1 Sawátis 5 - Ohiatonhseratokénti

Nonkwaʼthesenniétsera Tsi Nòkwa Ne Ionwentsiáte

¹ Ónka nentiakétakwe ne Ié꞉sos rahónha ne Kerístos neh kíʼ tsi Rawenni꞉io sakoiénha; tánon ónka ronwanorónkwa ne kanísera iontatenorónkwa kíʼ nòn꞉ne ne sakoiénha.

² Thóh kíʼ ní꞉ioht tsi ionkwateriéntare ietʼthinorónkwa ne Rawenni꞉io sakoienokónha: neh tsi tsitewanorónkwa ne Rawenni꞉io ó꞉ni tsi tewawennarákwa.

³ Nonkwanoronkwátsera ne rahonháke ne Rawenni꞉io ne kéntons tsi entewatewénnaraʼkwe ne rahoriwahókons. Tánon ne rahoriwahókons iáh sóhtsi tehioníron nonkwariwáke,

⁴ Asèken kwá tsi niaʼtekaksátake ne Rawenni꞉io rowíraien rothikwénion nakonwasénni ne tsi ionwentsiáte. Tánon neh entewasénniete ne tsi ionwentsiáte nahosatsʼténsera tsi tionkwetákwen.

⁵ Ónka akonwasénni ne tsi ionwentsiáte? Kwáh nék khók tsi nikáien ne tiakawetákwen ne Ié꞉sos tsi Rawenni꞉io Roiénha.

Nahonwariwaníratʼtse Ne Ié꞉sos Kerístos

⁶ Ié꞉sos Kerístos rahónha thóha nonékanos tsi rotenekwahesthákwen ó꞉ni nonekwénsa tsi iehawenheiáton. Iáh onékanos khók thetóha, nók tetsiáron nonékanos ó꞉ni nonekwénsa, Tánon rahónha ne Ronikonriʼióston ratróris tóhske thóh ní꞉ioht, Asèken kwá aóskon nʼoriwíʼio ne Ronikonriʼióston

⁷ Áhsen niháti rathiriwanírats:

⁸ ne Ronikonriʼióston, nonékanos, tánon nonekwénsa; tánon ne ásen niháti kwá neh sákah tsi rontróris.

⁹ Tionkwétakwe tsi nihontróris nonkwesónhas; nók ne Rawenni꞉io raotróriat sénha ne kasátsʼte, tánon neh kíʼ rotroriáton ne Roiénha.

¹⁰ Ne káti tsi niʼiákon thonwetákwen ne Rawenni꞉io Roiénha rathíhawe kíʼ atroriátsera ne raonerianéson; nók tsi niʼiákon ne iáh tethonwetákwen ne Rawenni꞉io, ahonwanowentónni꞉kíʼ, Asèken iáh tethonetákwen tsi nahóten ne Rawenni꞉io ráwen tsi nòkwa ne Roiénha.

¹¹ Ne kíʼ ne kariwanirátʼtsera: Rawenni꞉io tesonkwáwi ne ionnheʼónwe atónnhets, tánon kíʼ natónnhets neh꞉ne ahoʼiatakweniʼiótsera ne Roiénha.

¹² Ónka kí꞉ken nikwékon ne Roiénha róien kíʼ natónnhets; ónka kí꞉ken ne iáh tenikwékon ne Rawenni꞉io Roiénha iáh kíʼ tehóhien natónnhets.

Natonnhets Ne Ionnheʼónwe

¹³ Í꞉se kíʼ iakwahiátonse neh꞉ne aihsewateriéntarake tsi sewáien ne ionnheʼónwe atónnhets—tsi nítsion ne tetsisewetákwen ne Rawenni꞉io Roiénha.

¹⁴ Ionkwanikonrahníron rahohénton ne Rawenní꞉io, neh tsi oriwí꞉io iontiónni tsi sonkwátʼthonte nónen thènen entsitewariwanóntonse ne tsi nithanónwes.

¹⁵ Shonkwáthontes nónen thènen entsitewariwanóntonse; tánon tsi ónen ionkwateriéntare tsi tóhske kwá thóh ní꞉ioht, ó꞉ni kwá ionkwateriéntare tsi enteshóntion nahóten entsitewariwanóntonse ne rahonháke.

¹⁶ Tóhkaʼ entsisewáken ne tawetákwen nahariwánerake nók iáh tahóriote, sateriwaiénni nasaterénnaien rahonháke ne Rawenni꞉io, tsi rahónha entháwen nètho rónkwe natónnhets. Neh kíʼ kéntons tsi niʼiákon ne iáh taiakóriohte. Nók káien ne kariwáneren ne iakorióhtha, nók iáh neh tekíʼtons ne naihsewaterennaienthákwen rahonháke ne Ní꞉io nètho aorihónʼniat.

¹⁷ Akwékon nahoténshons naterientawenriétseras tsi kariwáneren, nók káien ne kariwáneren ne iáh teiakorióhtha.

¹⁸ Ionkwateriéntare iáh ónka ne Rawenni꞉io sakoienʼokónhas tsehontashóntera nahonsahatiriwánerake, Neh seh ne Rawenni꞉io Roiénha sakonónstats, tánon ne ranikonráksen iáh tahakwéni nasakokarónni.

¹⁹ Ionkwateriéntare tsi Rawenni꞉io ní꞉i rahonkwetasónha iawerohátsien nonhontsiakwékon tsi neh rasáriʼne ne ranikonrakʼsen.

²⁰ Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

²¹ Kwaienokónhas, ietʼtsinikónrarak ne rothitokensetseráksens.