1 Sawátis 4 - Ohiatonhseratokénti

Nonikonróskon Tánon Neh Kanikonrátha

¹ Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

² Kén níʼ ní꞉ioht tsi ensewatókense tóhkaʼ kén Rawenni꞉io rahonikonratokénti nètho íken: nónkakíʼok enhariwanírate ne Ié꞉sos Kerístos ónkwe rotonhon ráhawe nonikónra ne Ni꞉ióʼne nitsawénon.

³ Nók ónkaki kén enhonwatenówente ne Ié꞉sos iáh teiéhawe nonikonratokénti ne Ni꞉ióʼne nahontaiawénon. Neh꞉ne Kerístos róhsons rahonikónra ráhawe; sarónken tsi éntewe neh nikanikonróten, tánon ónen kíʼ íʼhio neh nikanikonróten ne tsi ionwentsiáte.

⁴ Nók Ní꞉io níse rahonkwéta, kwá hionʼokonha, tánon ietʼtsisénnion ne rothitokenʼsesheráksens, Asèken nonikónra ne sewakwékon sénha ne kasátsʼte tsi ní꞉ioht ne rahotinikonrasónhas ne tsi ionwentsiáte ahonkwetaʼsónhas.

⁵ Ne rothitokensetseráksens neh rathitharákwa ne tsi ionwentsiáte aoriwasónhas, tánon ne ionwentsiáte iakotahónsate neh tsi neh ahonkwetaʼsónha

⁶ Nók Ni꞉io ní꞉i rahonkwetaʼsónhas. Tsi niʼiákon ne iakoteriéntare neh ní꞉ioht sonkwatahónshatats ne Rawenni꞉io; ónka ne iáh Rawenni꞉io tehaʼonkwetasónha kwá iáh thènen teionkihʼiatahónsate. Kén káti ní꞉ioht tsi entewakwéni nahitewatróri tsi natetsatʼthíhen ne onikonróskon nʼoriwí꞉io tánon ne onikónra ne tewaterientawénrhie.

Rawenni꞉io Seh Ne Kanoronkwátsera

⁷ Tekanórons tewatenrosónhas, Ánion thetewathatenóronk, Asèken Ni꞉ióʼne nón nitewétha ne kanoronkwátsera. Ónka ne iakóien ne kanoronkwátsera Rawenni꞉io rahokʼsáta í꞉ken ó꞉ni ronwaientéri ne Rawenni꞉io.

⁸ Ónka ne iáh teiakóien ne kanoronkwátsera iáh kíʼ teʼonwaientéri ne Rawenni꞉io, asèken Rawenni꞉io seh ne kanoronkwátshera.

⁹ Tánon ne Rawenni꞉io sonkwanathónni ne rahonoronkwátsera tsi thoteniénton ne énskat khók Roiénha tsi ionwentsiáte, neh꞉ne ahionkwaiéntaʼne ne ionnheʼónwe ne rahonháke nón nahontáwe.

¹⁰ Kén kíʼ ní꞉ioht ne kanoronkwátsera: iáh neh tèken tsi atsitewanoronkwáʼon ne Rawenni꞉io, nók ne tsi sonkwanoronkwáʼon tánon thoteniénton ne Roiénha tsi nahiotónhake nahonsakanikonrén꞉en nonkwariwaneraháktsera.

¹¹ Tekanórons tewatenrosónhas, tóhkaʼ kíʼ éhtho ní꞉ioht ne Rawenni꞉io tsi sonkwanoronkwáʼon, ne káti akarihónni tsi tahitewatatenóronkwe.

¹² Iáh nonwénton ónka tehonwáken ne Ní꞉io; nók kíʼ tóhka tentewatatenóronkwe, ne ronnheʼónwe Rawenni꞉io tsi tenhionkwateriwasónterake, tánon ne rahononronkwátsera kwá ieʼiokontákwen nontionhakéson.

¹³ Kwá oriwí꞉io tsi ionkwateriéntare tsi tehionkwateriwasóntere ne Rawenni꞉io tánon ó꞉ni ne ronnheʼónwe tsi kwá tehionkwateriwasóntere, Asèken tesonkwáwi ne kasatsʼténsera.

¹⁴ Tánon ó꞉ni hionkwatʼkáton ó꞉ni iehthiróri nakorénsons nètho Kanísera thoteniénthon ne Roiénha rahónha nahonsahsakoniákente tsi ionwentsiáte.

¹⁵ Tóhkaʼ entewatróri ne Ié꞉sos tsi Rawenni꞉io Roʼníha, tsi kwá tehionkwateriwasóntere ne Rawenni꞉io ó꞉ni ne ronnheʼónwe Rawenni꞉io tsi tehionkwateriwasóntere ne ronónha.

¹⁶ Tánon ontionhákok ionkwateriéntare ó꞉ni tionkwetákwen tsi sonkwanorónkwa ne Rawenni꞉io. Kanoronkwátshera seh ne Rawenni꞉io, tánon tsi niʼiakon neh thóh nón niʼiakonnhétie ne kanoronkwatserákon thóh nón niʼiakónnhe ne tsi tehonateriwasóntere ne Rawenni꞉io ó꞉ni ne ronnheʼónwe Rawenni꞉io tehonateriwasóntere ne ronónha.

¹⁷ Kwá iehiosaháton ne kanoronkwátshera nontionhakéson ehnahontáwe nahionkwaiéntake ne kanikonranirátʼtshera tsi tewenniserónte nónen tehiontatiatórete; tánon ó꞉ni enhionkwaiéntake neh tsi tiónnhe ne kén ionwentsiáte kwá ne satèhiot tsi ní꞉ioht ne Kerístos.

¹⁸ Iáh tahóten tehiótʼteron tsi nòkwa ne kanoronkwátshera; ne kwá aóskon ne kanoronkwátshera ahéren kahawítha ne iótʼteron. Tóhkaʼ káti ne kanoronkwátshera iáh teiawenéʼon naóskon akénhake tsi niháti ne rathitʼtsánis, ne tsi tekeníneren ne karewathátsera tsi niʼiákon ne iakoteronkwénnis

¹⁹ Ionkwáien ne kanoronkwátshera neh tsi Rawenni꞉io thotierénton sonkwanoronkwáʼon.

²⁰ Tóhkaʼ entewénron tsi tewanorónkwa ne Rawenni꞉io, nók ietʼthísons nakorénsons, ionkwanówens kíʼ. Asèken iáh tahónton natsitewanóronkwe ne Rawenni꞉io, tsi nikáien ne iáh thetsitewáken, tóhkaʼ iáh teietʼthinorónkwa nakorénsons, tsi nikáien neh ietʼthíken.

²¹ Tsi nitesonkwáwi natsawenrhátsera ne Kerístos neh꞉ne kíʼ kén: nónka enhonwanóronkwe ne Rawenni꞉io ónenk tsi enhiontateʼnóronkwe nakorénsons.