1 Sawátis 2 - Ohiatonhseratokénti

Kerístos Seh Sonkwaiénawaʼse

¹ Neh kíʼ ne iakwaiáthonse, kwaienʼokónha, nekáti ne tóhsa aihsewariwánerake; nók kíʼ thóka ónkak aieriwánerake, ionkwáien nónkak ronwaniténtase ne kanísera nonkwariwáke—neh꞉ne Ié꞉sos Kerístos, neh꞉ne rotokénti.

² Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

³ Tóhka entewatewénnaraʼkwe ne Rawenni꞉io rahotiawenrátsheras, ne káti kwá oriwí꞉io enhiontiónnien tsi entsitewaientéri.

⁴ Tóhka entewénron ehʼtsitewaientéri, tánon iáh tethewatewennarákwa ne rahotiawenrátsheras, ionkwanówens, tánon iáh tehionkwáien tkariwaiéri nontionhakéson.

⁵ Nók kíʼ tóhkaʼ entewatewénnaraʼkwe ne rahowennahókon, ontionhá꞉a khók ne kwá ehtsitewanorónkwa ne Rawenni꞉io neh꞉ne kwá oriwí꞉io íken. Nek khók kí꞉ken enkakwéni naionkwaterientarane tsi tehionkwateriwasóntere ne Rawenni꞉io:

⁶ tóhka entewénron thónon nihionkwataténron tsi teionkwateriwasóntere ne Rawenni꞉io, ne kíʼ teiontonʼontióhon thoʼní꞉ioht tsi aihtiónnheke tsi ní꞉ioht tsi rónnhekwe ne Ié꞉sos Kerístos.

Náse Atewennarakwátsera

⁷ Tekanórons tewatenrosónhas, kíʼ atewennarakwátshera ne iakwahiátonse iáh oríwase tèken, neh꞉ne akáion naʼtewennarakwátshera, tsi nikáien ne sewarónken ne kwá tsi tiotásawe. Nakáion atewennarakwátshera tánon naʼoteriwanotátshera onèn꞉ne sewarónken.

⁸ Nók kíʼ, nónwa ne hionsakwaiátonse ne náse atewennarakwátshera, Asèken naoriwakwarishióntsera thóh wenéston rahonháke ne Kerístos tánon ó꞉ni tionhakéson. Asèken ne tetiókaras ónen iotohestonhátie, tánon ne kwá kaswahthétsera ónen teioswathéton.

⁹ Tóhka entewénron tsi teioswátʼte nón nítewes, tánon iethísons nakorénsons, kwá asátakon nón nihionkwatáteron ne kén tsi iowistaehhátie.

¹⁰ Tóhka ietʼthinorónkwa nakorénsons, kaswatʼthetserákon nón nitionnhétie, tánon kwá káti iáh othènen tehionkwáien naietʼthihetkénten nakorénsons.

¹¹ Nók kíʼ tokáha ietʼthísons nakorénsons, asátakon kíʼ nón nítewes; thóh nón nihionkwatahitáke tánon iáh tehionkwateriéntare káh niahonkwenonhátie, neh wakarihónni tsi tetiókaras wationkwarónweke.

¹² Iakwahiátonse, kwaienʼokónha, ne tioríwa ne sewariwanerahákʼtshera skanikonrénʼen neh꞉ne Kerístos ehnihóson.

¹³ Ne aoriwa iakwahiatonse i꞉se ne kaniseras, ne tsi ehtsisewaienteri tsi nikáien ne rónnhekwe tsi tiotásawe. Iakwahiátonse í꞉se ne kén nithisewahiónsas, ne tioríwa tsi tsisewasénnion ne ranikonráksen.

¹⁴ Iakwahiátonse kwaienokónha, ne tioríwa tsi ehtsisewaientéri ne Kanísera. Iakwahiátonse í꞉se ne kaníseras, tioríwa tsi ehtsisewaientéri tsi nikáien ne rónnhekwe tsi tiotásawe. Iakwahiátonse nithisewahiónsa, ne aoríwa ne tsi sewasátste; tionháke nón nihiónnhe ne Rawenni꞉io rahowénna, tánon ehtsisewasénnion ne Ranikonráksen.

¹⁵ Tóhsa sewanorónkwak ne ionwentsiáte tánon ó꞉ni tsi nahoténsons ne tsi ionwentsiáte ahoriwasónha. Tóhka sewanorónkwa ne ionwentsiáte, iáh kíʼ tetsisewanorónkwa ne Kanísera.

¹⁶ Kwá tsi nahoténsons ne tsi ionwentsiáte aówenk kwá neh iakoriwanerahakʼténnis ó꞉ni iakoskanekténnis ne iateiehiáti, nahóten nónkwe iontkáthos neh teiakotonwentió꞉ni, tánon kwá tsík nahoténson ne nónkwe iontkáthos tsi ionwentsiáte ne teiakorénsaron, kwá iáh tahóten neh kanísera nón nahontaiawénon, akwékon tsi ionwentsiáte nón nitionénon.

¹⁷ Tsi nahoténsons ne ónkwe hionskanékta tsi nihioteriwatiéren tsi ionwentsiáte kwá neh wathohestákwa; nók tsi niʼiákon nen thonwanikonraiérite ne Rawenni꞉io tsi neh nénwe eniakónnheke.

Ne Ronwásons Ne Kerístos

¹⁸ Kwáʼienokonha, ákta íwes ne tsi ieiótokʼte! Ietʼtsiróri ne rósons ne Kerístos éntʼtre; tánon ónenk ronatiokowánen ne ronwásons ne Kerístos ronatotáshon, neh káti aoríwa ionkwateriéntare ne tsi ieʼiótokʼte ákta íwes.

¹⁹ Nètho onkwesónha kwá iáh tetʼthonetákwenʼne nahionkiʼiatiátarase, neh tioríwa sahionkiʼiatiatarákwase; Tánon tóhkaʼ síken neh sahonkweʼtiókwa akénhake, kén kíʼ aihtewakwekónhake. Nók sahionkihiatiathontákwen neh꞉ne ahwénehne tsi kwá iáh neh sahonkwentiókwa tèken.

²⁰ Nók sewaientáʼon ne Ronikonriʼióston tsi nitotórion ne Kerístos, nekáti aoríwa sewakwékon sewateriéntare noriwiʼioʼónkwe.

²¹ Ne káti aoríwa iakwahiátonse, iáh tokàken iáh taihsewateriéntarake noriwiʼiohónwe; nók, néki tsi sewateriéntare, tánon kíʼ ó꞉ni sewateriéntare nohnówen iáh nonwénton thóh nón thetionénon tsi nón ne oriwiʼiohónwe.

²² Ónka káti ne iakonówens? Ronnónha tsi nikáien ne rónthon ne Ié꞉sos iáh rahónha tèken ne Kerístos. Neh nihionkwetótens neh꞉ne ronwásons ne Kerístos—tetiáron ronwatiriwaswens ne Kanísera ó꞉ni ne Roiénha.

²³ Ónka enhonwakénron ne Roiénha enhonwakénron kíʼ non꞉ne ne Kanisera, ónka enhonwatiénawaste ne Roiénha nikwekon kíʼ ne Kanísera.

²⁴ Kwá kíʼ oriwí꞉io kénhak, sewatienawasthónhak ne sewerianésons noriwasónhas tsi nisewarónken tsi tiotásawe. Tóhka ensewateweiénton thíken oriwasónha, nekáti tiókonte tsi thesewateriwasóntereke ne Roiénha tánon ne Kanísera.

²⁵ Kén káti ní꞉ioht tsi sonkwararasténni ne kwá rahónha ne Kerístos entesóntion ne ionnheónwe.

²⁶ Í꞉se kíʼ iakwahiátonse neh tioríwa tsi niháti ronhtheniéntha naietʼtsinikonráten.

²⁷ Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

²⁸ Hén, kwá ienokónha, rahónhak khók tetiateriwasónterak, nekáti nónen entathaténeste kwá aionkwanikonraníronke iáh tatahionthonwentióhake natsitewataséten tsi nahionkwatehén꞉en neh nón tewenniserónte nónen tèntre.

²⁹ Sateriéntare ne Kerístos tsi roiánere; ahówenk naihsateriéntarake, nekáti, tsi niʼiákon neh eniakohióten ne tkariwaiéri neh kíʼ tsi Rawenni꞉io rahoksátha íken.