1 Kings 13 - Ohiatonhseratokénti

¹ Tsinihothenhnáhon ne Roiá꞉ner rotókenhse Judah nonhtáre tánon Bethel niaháre tánon thóh nónhwe iahá꞉raʼwe né Jeroboam thóh í꞉rate ákta ne ietsienharákwahke nahaterihwaststérisʼthe nahateskónhten.

² Tsi nahatísehre ne Roiá꞉ner rahorihwatátʼtsera, né rotó꞉kenhse wahariwásthen ne ietsienharákwah: “O ietsienharákwah, ietsienharákwah, kén nahó꞉ten ráton ne Roiá꞉ner: Raksá꞉a, né enhonwahiátʼtseke ne Josiah, thóh nónhwe nenhrenhnákeraʼte rahowatsirákon ne Táwit. Thóh shonháke ensakononhwariákon ne ratiʼtsihénstatsis tsi ronaterihwatsʼteríston ne iáh tehotirihwiʼióstons tsi ratitsienharákwahke né ieshateskonhthánis, tánon shonháke enhát꞉tsahaʼte nónhkwe akóstsiens.”

³ Tánon iahatasónhteren ne rotó꞉kense tsi wahénron, “Kí꞉ken ietsienharákwah tewaréni, tánon né thóh ohkènra kwáh tenhionwénhtonhwe. Ethòne kíʼ ensateriéntaraʼne nètho Roiá꞉ner tsi akonháke nónhwe nihothatíhon.”

⁴ Nó꞉nen ne Ronhnonhtí꞉io Jeroboam shaharihwáronhke kí꞉ken, iahotsáton tánon wahorihónhten, “Tshiéna thí꞉ken rónhkwe!” Kwáh kíʼ óksak ne ronhnonhtí꞉io ranenhtsáke onhthakénheie né káti ne iáh thaʼhónton ne tahontahanentʼtsatihéntʼtho.

⁵ Né ietsienharákwah kwáh kíʼ óksaʼók waʼtewaréni tánon nokènra ohontsáke iahonwerónhtaʼne, kwáh kíʼ tsi niehorihwáken ne rotó꞉kenhse thóh rahosénhnakon ne Roiá꞉ner.

⁶ Ronhnonhtí꞉io Jeroboam wahawénhase ne rotó꞉kense, “Asatʼthontátʼtseke takwahterenhnaiénhas rahonháke ne Roiá꞉ner Saní꞉io, tánon tserihwanónhtons nahonsaháakétsienʼte ne kenenhtsáke!” Né rotó꞉kense rahonháke ne Roiá꞉ner iahaterénhnaien, tánon kíʼ ne ronhnonhtí꞉io ranenhtsáke sahaiewénhtaʼne.

⁷ Ethòne kíʼ ne ronhnonhtí꞉io wahawénhase ne rotó꞉kenhse, “Káts tsíʼtheʼne tánon knahótenk í꞉sek. Kwáh seh thenkonhrihwasehrákwahse tsi nashá꞉tsere.”

⁸ Né rotó꞉kense watharihwasehráko, “Iekaníhaʼre nahontásʼkon asénhnon tsi nisatʼtsokowátsera, iáh kíʼ tahonséhteʼne khés nákeʼke khés nakʼnekíra skát꞉ke ní꞉se.

⁹ Né Roiá꞉ner rakatsiawenhráti né thènhnen ákeke khés naknekira, tánon tó꞉sa thóh niéske tsi nónhwe nitewakénon.”

¹⁰ Káti iáh thóh nónhwe tseshawénon tsi nónhwe nithawénon, ók ó꞉ia nihiohahó꞉then sahatʼthahítha.

Né Roksthénha Rotó꞉kense Ne Bethel Nónhwe

¹¹ Ètho shiʼkaháwi thóh nónhwe ne Bethel raná꞉kerekwe roksthénha. Shaʼkohiohokónhas tahónhne wahonwaró꞉ri tsi nahó꞉ten ne rotó꞉kense ne Judah nónhwe nithawénon tsi nihoiéren ne Bethel né wenhniserátekwe tánon tsi nihoró꞉ri ne Ronhnonhtí꞉io Jeroboam.

¹² “Kanòkwah nieshawénon sonhsahathénhti?” ne roksthénha rotó꞉kenhse washakorihwanónhtonhse. Wahonwanathónhaʼse; noháha

¹³ tánon washakoróri nahonwakweʼniáren ne rahotshénen tewahónhtes. Thóh kíʼ nahatí꞉iere, tánon wahathénhti

¹⁴ wahathahítha wahósere ne rotó꞉kenhse ne Judah nithawénon tánon wahohiatatʼtsénhri karonhtó꞉kon nokarátsi rénhskothe. “Í꞉se kén ne sató꞉kenhse ne Judah niteséhnon?” wahariwanónhton. “Í꞉i,” ne rónhkwe wathariwasehráko.

¹⁵ “Káts tsìʼthene tánon tetsiátont,” wahénron.

¹⁶ Ók né rotó꞉kenhse ne Judah nithawénon wathariwasehráko, “Iáh thahónton nahishíteʼne khés natiéna tsi nithisarihwaiéri. Tánon iáh kíʼ tkákeke khés othèhnen skát꞉ke ahiteninekíra né kénʼen.

¹⁷ Tsioríhwa ne Roiá꞉ner rakeriwásthenhni né thènen ákeke khés ne othènen aknekíra, tánon tó꞉sa thóh nónhwe niahonhsáke tsi nitewaʼkénon.”

¹⁸ Ethòne né rosthénha ne Bethel nithawénon wahawénhase, “Íh, ó꞉ni, wakʼthókense kwáh tsi ní꞉ioht níse, tánon tsi nahathénhnhaʼne ne Roiá꞉ner ne raronhiakeró꞉non wahatróri nahonsétene tánon akonhiateweiénhton tsi enkonhnakthóthaʼse.” Ók né rosthénha wahanówenhthe.

¹⁹ Káti ne rotó꞉kenhse ne Judah nithawénon sahathénhti shahiaterósenh ne roksthénha tánon wathiáthonhte.

²⁰ Tsi atekwahrahtserákʼtha nítskote, né Roiá꞉ner raowénna wahohiatórenhne ne roksthénha rothokénhse,

²¹ tánon watnitháren ne rotó꞉kenhse ne Judah nithawénon, “Né Roiá꞉ner ráton waʼtsewenhnónhti tánon iáh èhtho teshaiéren tsi nihorihwatháton.

²² Khèʼkok, thóh nionhshá꞉se tánon wathitsáthonhte tsi nónhwe né iáh ní꞉se tó꞉sa iathashastsʼkáhon. Né kíʼ enkarihónhni enieshanonhwariákon, tánon ne shaierónhta iáh kíʼ thóh nónhwe taiesahiatháta ne shawátsire tsi ronhthatsiathatahástha.”

²³ Nó꞉nen shahathikwénhtaʼne, né roksthénha né Judah nithawénon shahokweʼniáren ne rahotshénen tewahónhtes,

²⁴ hionhshahosháthen. Tsi nihiohá꞉hes kénreks watʼhiatérahne tánon wahononhwariákon. Né rahoierónhta ohwahá꞉ke káien, tánon ne tewahóntes ó꞉ni ne kénreks thóh ákta íh꞉nethe.

²⁵ Thóh ká꞉ra niháti thóh wahontó꞉hetsthe tánon wahontkátho noierónhta thóh owahá꞉ke káien, né kénreks thóh ákta íh꞉rate. Bethel niahónhne tánon iahontró꞉ri tsi nahó꞉ten wahontkátho.

²⁶ Nó꞉nen ne roksthénha rothó꞉kense saharihwáronhke, wahénron, “Né thíken ne rothó꞉kense ne iáh tehotewenhnarákwen ne Roiá꞉ner tsi nihorihwatháton! Tánon káti ne Roiá꞉ner kénreks iahotóri niahotsathónhti tánon nahononhwarhiákon, kwáh kíʼ tsi níhawe ne Roiá꞉ner tsi thóh nenháiere.”

²⁷ Ethòne washakawénhase ne sakohiohokónhas, “Tsi shewakweʼniáren nakitshénenh tewahóntes nakerihwáke.” Thóh kíʼ nahatí꞉iere,

²⁸ tánon iahosháthen tánon iahatʼtsénhri ne rothó꞉kenhse rahoierónhta owahá꞉ke káien, né tewahóntes ó꞉ni ne kénreks shé꞉kon thóh ákta íh꞉nete. Né kénreks iáh tehawékon ne oierónhta iáh ó꞉ni tsehotsathóntion ne tewahóntes.

²⁹ Ne roksthénha rotó꞉kenhse watrhenheiónhthaʼkwe, tewahóntes rahiatáke wahá꞉ren, tánon Bethel nionhsaháhaʼwe nahatiónhnionhkwe tánon nahahiatháta.

³⁰ Né꞉ne rahónha rahowátsire tsi shakotihiathatahástha nónhwe nahohiatháta, tánon rahónha ó꞉ni ne sakohiohokónhas wahontsiónhnionhkwe, ronhthónhnionsʼkwe, “Oh tiathatèken, tiathatèken!”

³¹ Sahonwahiatathaháko ne rotó꞉kense washakawénhase ne sakohiohokónhas, “Nó꞉nen henkíheʼie, kén kí꞉ken ohtsatonhkwáhkon takwahiatátha tánon natierónhta ákta sewáien nètho rahoierónhta

³² Nowenhnahókons ne roʼthatíhons né Roiá꞉ner rahó꞉rihwatatʼtseras tsi nihorihwasónhon ne ietsienharákwahs ne Bethel nónhwe ó꞉ni tsi nihorihwasónhon akwékon tsi nonhwésons ne ionhterenhnaienthákwahs ne kanataiéntons ne Samaria kwáh kíʼ oriwiʼiohónhwe tsi thóh nenhiáwenhne.”

Né Jeroboamʼs Thononhwhíson Ne Karihwáneren

³³ Né Ronhnonhtí꞉io Jeroboam shé꞉kon kíʼ iáh tehatkáwas tsi nihaweienhnák꞉sens ók iehokonhthákwen shaʼkohiatarakwenhátons né꞉ne thikánionk kawátsires né ahonterihwatsʼtérisʼthe ne ietsienharákwas rohsahánion. Waʼsakorihwaníratʼtse kwáh tsík ónhka náienre ahontʼtsihenstónhni.

³⁴ Kí꞉ken karihwáneren rahónha waharihónhni tsi takáhawe nakarihwéntʼtho tánon thaʼkakwékthe wahakowéntʼtho ne rahowátsires.