Zaburi 96 - KITABU KITAKATIFU1 Mwimbire Yahova ulwimbu luhya: Mwimbire Yahova, mwinye avelirova lyosi. 2 Mwimbire Yahova, mu gasidze lieta lilye; Mu lolekidze ubuhonnyi bwibwe madiku na madiku. 3 Mu lang aminye ubukumi bwibwe ku avetsihiri, Na makola gege gokugenya hagati ha vetsihiri tsyosi. 4 Kigira Yahova a veye munene, nokwidzominywa ligali: A veye wokutibwa kuvita avanyasaye vosi. 5 Kigira avanyasaye vosi va vetsihiri va veye vifwananyi vutswa; Navutswa Yahova ya lomba ligulu. 6 Ubunene na ubukumi vi veye imbiri wewe: Ubunyali na ubulahi vi veye mu hatakatifu hehe. 7 Mwinye avetsihiri tsya avandu mu vole ku Yahova Mu vole ku Yahova, ubukumi na ubunyali. 8 Mu vole ku Yahova ubukumi bu dukana nelieta lilye: Mu lete kihaanwa na mwingire hamugidzi hehe. 9 Mu sigamire Yahova mu bulahi bu obutakatifu: Mu degere imbiri wewe, avelirova vosi. 10 Mu vole hagati hetsihiri, Yahova yamehanga: Lirova kandi li singiridziywi, kuduka li ta nyala kudengeya: A la kalagira avandu nobulungi. 11 Migulu mu sangale, na lirova li yanze; Inyanza i Iwume, na vyosi vizuye muyo; 12 Ligendanyama li sangale, na vyosi vi veye mu; Ma misala gyosi gyomulitu gyi la kupa isango 13 Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege. |
©Bible Society of Kenya, 1967
Bible Society of Kenya