Zaburi 70 - KITABU KITAKATIFU

Ku Munene Wetsinyimbu; Zaburi ya Daudi yokwidzulitsa.

¹ O Nyasaye, u kole buangu kumboholola; U kole bwangu kunkonya, O Yahova.

² Va ve isoni nokuleganywa Avenyanga mwoyo gwange: Viranywe inyima netsisoni Ava sangalira kivi kyange.

³ Viranywe inyima kigira tsisoni tsyavo Ava vola, Aha, aha.

⁴ Yava vosi avenya ive, va sangale na va yanze mu ive; Na yava vosi ava yanza ubuhonnyi bubwo, va vole kazozo, Nyasaye a hebwe ubunene.

⁵ Navutswa inze mbeye mudambi no mudaka; U kole bwangu kuduka ku inze, O Nyasaye: Ive u veye mukonyi wange, na mubohololi wange; O Yahova, u ta lindagira.