Zaburi 13 - KITABU KITAKATIFU

Ku Munene Wetsinyimbu; Zaburi ya Daudi

¹ Tsinyinga tsyanga, O Yahova, u la nzivirira kazozo? U livisa mumoni mumwo ku inze tsinyinga tsyanga?

² Tsinyinga tsyanga nda ganagana mu mwoyo gwange, Nokuva nobuvereri mu mwoyo gwange lidiku lyosi? Musigu wange a legingira ku inze tsinyinga tsyanga?

³ U henze u ntivulire, O Yahova Nyasaye wange: U lavidze tsimoni tsyange, gase nda gona tsindolo tsyelikudza;

⁴ Gase musigu wange a la vola, mmali kumuguuta; Gase avadambidzi vange va la sangala ku lidendeya lyange.

⁵ Navutswa nsuuviye tsimbabasi tsyobuyanzi bubwo; Mwoyo gwange gu la sangalira mubukonyi bubwo.

⁶ Ndimbira Yahova, Kigira u nkoleye ubulahi bunene.