Vagalatia 1 - KITABU KITAKATIFU

¹ Paulo, mutumwa (si bwa twula ku vandu, kandi si bwa li ku mundu, navutswa bwa li ku Yesu Kristo, noku Nyasaye Dada, wa mu simugukidza kutwula mu vakudzu)

² kandi avamitu vosi ava veye halala na inze: ibaruwa yetu yiyi i duke ku mavugano ga Galatia:

³ Tsimbabasi tsi ve ku mwinye nemirembe gyi twula ku Nyasaye Dada, noku Mwami wetu Yesu Kristo,

⁴ wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

⁵ ubukumi bu ve kuye mihiga nemihiga. Amini.

⁶ Ng'enyanga kigira mu twulidzeywi bwangu kuleka uyu wa mu langa mu tsimbabasi tsya Kristo nokuvikwa mu ivangeli yindi;

⁷ nayo si i li ivangeli yindi: navutswa va veye ho avandu ava mu nyangi dzanga, navo venya kugirunkannya ivangeli ya Kristo.

⁸ Navutswa kali kwinye, kinga ingelosi u twula migulu, ni ku mwilwadzira mwinye ivangeli yindi, yavukana neya kwa mwilwadzira kwinye, a ve mulaame.

⁹ Kuli kwa tanga kuvola, kandi mbola kalunu, Niva mundu kali mulala a mwilwadzira ivangeli yindi yavukana neya mwa vugula, a ve mulaame.

¹⁰ Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

¹¹ Kigira mbuulira mwinye, avamitu, ku ivangeli ya nda mwilwadzira, si ya li kuli yomundu.

¹² Kigira inze si nda gi vugula ku mundu kandi si nda yegidzwa, navutswa ya ndukira ku livuula lya Yesu Kristo.

¹³ Kigira mwinye mwa hu lira amakuva golugendo lwange kutwula kale mu idini ya Vayuda, kuli nda dambidza livugana lya Nyasaye kuvita kigero, kandi nda lyononnya:

¹⁴ kandi nda sira avandi vanyingi ku ihiri yange avelikula lyange mu idini ya Vayuda, kigira nda li nobugulu kuvita ku miima gyavaguga vange.

¹⁵ Navutswa lwa Nyasaye uyu wa nzahula kutwula munda mwa mama wange, kandi wa nanga ku tsimbabasi tsitsye, kuli lwa ya lola bulahi,

¹⁶ lwa yenya kulahg'ami nya Mwana wewe mu inze, nduke kumwilwadza mu Tsihiri; nonoho nda vula kwenya amakuva gowomubiri namasahi:

¹⁷ kandi si ndanegira kutsia Yerusalemi ku yava ava tanga kuva avatumwa imbiri wange: navutswa nda tsia kuduka Arabia; kandi ndirana Damasko.

¹⁸ Kandi inyima yemihiga gyivaka ndanegira kutsia Yerusalemi kuhlta Kefa, ni mmenya naye madiku likumi na gatano.

¹⁹ Navutswa avandi ku vatumwa si nda va lola, navutswa na a ta li Yakobo, amwavo wo Mwami.

²⁰ Kalunu mu inkuva ya mmu ng'odeye, mu henze imbiri wa Nyasaye si mbola ububehi.

²¹ Kandi nda tsia mu kivala kya Siria na Kilikia.

²² Kandi inze nda li ni nkikiri kumanyekana mumoni mwange mu mavugano ga Buyuda aga li mu Kristo:

²³ navutswa va li va hulira vutswa, Uyu wa ku dambidzanga kale, kalunu yilwadza lisuuvira lya ya tanga kwononnya;

²⁴ navo vidzominya Nyasaye kigira inze.