Livalidza 6 - KITABU KITAKATIFU

¹ Kandi Yahova ya volera Musa, na a vola,

² U volere avana va Israeli, nokuvavolera, Mundu musatsa kinga mukali lwa a li vika lilagana linene, lilagana lya Munaziri E kwivika kuva wa Yahova,

³ a leyahula mwene ku iwaini, noku vyokuhambikidza; a vule kunwa isiki yewaini, kinga isiki yekyokuhambikidza, na a vule kunwa amadzi ku gosi ga mazabibu, kinga kulia mazabibu mengu kinga amumu.

⁴ Madiku gosi gelyeyahula lilye a vule kulia kindu ku vyosi vya lomberwa na mazabibu, kutwula ku tsinzoli kuduka ku magodo.

⁵ Madiku gosi gelilagana lilye lyokweyahula, ulugembe lu ta duka ku mutwe gwigwe: kuduka lwa madiku ga dukidzwa, aga yeyahula kuva wa Yahova, a la va mutakatifu; a la leka lisu lilye li viruke kuva litambi.

⁶ Madiku gosi aga yeyahula mwene a ve wa Yahova, a tesunda himbi ku mukudzu.

⁷ A teyononya mwene kigira dada wewe, kinga kigira mama wewe, kinga kigira amwavo wewe, kinga kigira mbotso wewe, lwa va kudza; kigira lyeyahula lilye kuva wa Nyasaye li veye ku mutwe gwigwe.

⁸ Madiku gosi gelyeyahula lilye a veye mutakatifu wa Yahova.

⁹ Ni ga va ni ga duka mundu ku vosi kukudza bwangu himbi naye, ni yononya lyeyahula lilye, hene yaho a la vega mutwe gwigwe ku lidiku lyokutakaswa lilye, ku lidiku lya gatano na gaviri a la gu vega.

¹⁰ Na ku lidiku lya gatano na gavaka a la leta makuulu gaviri, kinga makuulu matuge gaviri, ku musalisi, ha kiliango kyelihema lyokuvuganira mu:

¹¹ na musalisi a la haana lilala kuva kihaanwa kyobwoni, na lindi kuva kihaanwa kyokusambwa, na a la mu lombera kyokukunika ubwoni, kigira ya gwa mwoni kigira mukudzu, na a la takasa mutwe gwigwe ku lidiku zana yilyo.

¹² Kandi a la vika ku Yahova madiku gelyeyahula lilye, na a la leta kimeme kyeligondi likole kyomuhiga mulala kuva kihaanwa kyelihyolo, navutswa madiku aga vita si ga la validzwa mba, kigira lyeyahula lilye lyononywa.

¹³ Na yili ni lilaga lya Munaziri, lwa madiku gege gelyeyahula lilye ga dukidzwa: a la letwa ha kiliango kyelihema lyokuvuganira mu:

¹⁴ a la haana kihaanwa kikye ku Yahova, kimeme kyeligondi likole kyomuhiga mulala kidukanu kuva kihaanwa kyokusambwa, na kimeme kyeligondi kisuveni kyomuhiga mulala, kidukanu kuva kihaanwa kyobwoni, na ligondi likole lidukanu kuva kihaanwa kyemirembe,

¹⁵ na kihinda kyobukima bu ta li na mamera, ubukima bwobusie bunyuki bv a lugwa namaguta, na vyapati vi ta li na mamera vya vakwa namaguta, na vihaanwa vyavyo vyobusie, na vihaanwa vyavyo vyokunwa.

¹⁶ Na musalisi a la va haana imbiri wa Yahova, na a la haana kihaanwa kyobwoni kikye, na kihaanwa kikye kyokusambwa:

¹⁷ naye a la haana ligondi likole kuva kihaanwa kyemirembe imbiri wa Yahova, halala nekihinda kyobukima bu ta li na mamera: na kandi musalisi a la haana kihaanwa kyobusie kyakyo, na kihaanwa kyokunwa kyakyo.

¹⁸ Na Munaziri a la vega mutwe gwigwe gweljeyahula lilye ha kiliango kyelihema lyokuvuganira mu, na a la vugula lisu lyomutwe gwelyeyahula lilye, nokulivika mu muliru gu veye isi wekihaanwa kyemirembe.

¹⁹ Na musalisi a la vuguia kinama liyembiri kyeligondi likole, kya dekwa mu amadzi na ubukima bu ta li na mamera, imango indala, na kyapati kilala ku vya li mu kihinda, na a la vi vika ku makono ga Munaziri inyima wokuvega mutwe gwelyeyahula lilye;

²⁰ na musalisi a la vi hungudza vi ve kihaanwa kyokuhungudzwa imbiri wa Yahova; yiki ki veye kitakatiru kya musalisi, halala nendasi yokuhungudzwa, na ivadzwa yokudigululwa: na inyima wa yaga Munaziri a veye nomunwa kunwa iwalni.

²¹ Yili ni lilaga lya Munaziri u lagananga, na lya kihaanwa kikye ku Yahova kyeliyahuia, halala na vindu vindi vya a nyala kunyola: kuli lilagana lilye li veye, ga mu dukiranga kukola ndiyo kuli lilaga lyeliyahula lilye.

²² Na Yahova ya volera Musa, na a vola,

²³ U volere Maruni na avana veve, nokuvola, Mu la saalira ndi avana va Israeli kuvagasidza: mu la va volera,

²⁴ Yahova a ku gasidze, nokukulinda:

²⁵ Yahova a ku dukidzire ubulavu bwomumoni mwimwe, nokukuvererera:

²⁶ Yahova a ku gingire mumoni mwimwe, nokukuha mirembe.

²⁷ Ni ndiyo va la vika lieta lyange ku avana va Israeli; na inze nda va gasidza.