Livalidza 2 - KITABU KITAKATIFU

¹ Na Yahova ya volera Musa na Haruni, na a vola,

² avana va Israeli va lombaka sa mulala himbi nebendera yeye mwene, halala nevilolero vyetsinyumba tsyavaguga vavo: ku tsindulu tsyelihema lyokuvuganira mu, va lombaka mahema gavo kulikumbiridza.

³ Na yavo avombaka ku luvega lwevugwe kuhenza ku litwulira lyeliuva va la va avebendera ya Yuda, kuli amahe gavo: na munene wa avana va Yuda a la va Nahashoni mwana wa Aminadabu.

⁴ Na lihe lilye, ava na yavo validzwa kuvo, va li tsielfu makumi gatano na gaviri na tsine, na tsimia tsitano na indala.

⁵ Na yavo avombaka himbi naye va la va ihiri ya Isakari: na munene wa avana va Isakari a la va Nethanaeli mwana wa Zuaru.

⁶ Na lihe lilye, navo ava validzwa kuvo, va li tsielfu makumi gatano na tsine, na tsimia tsine.

⁷ Na ihiri ya Zebuloni: na munene wa avana va Zebuloni a la va Eliabu mwana wa Helon.

⁸ Na lihe lilye, navo ava validzwa kuvo va li tsielfu makumi gatano na tsitano na tsiviri, na tsimia tsine.

⁹ Yavo vosi ava validzwa mu hokusosa ha Yuda va li tsielfu mia na makumi gatano na gavaka, na tsitano na indala, na tsimia tsine, kuli amahe gavo. Yava va la tanga kusamula.

¹⁰ Ku luvega lwa kusini ha la va ibendera ya hokusosa ha Rubeni kuli amahe gavo: na munene wa avana va Rubeni a la va Elizuru mwana wa Shedeuru.

¹¹ Na lihe lilye, navo ava validzwa kuvo, va li tsielfu makumi gane na tsitano na indala, na tsimia tsitano.

¹² Navo avombaka himbi naye va la va ihiri ya Simeoni: na munene wa avana va Simeoni a la va Shelumieli mwana wa Zurishadai.

¹³ Na lihe lilye, navo ava validzwa kuvo, va li tsielfu makumi gatano na tsitano na tsine, na tsimia tsivaka.

¹⁴ Na ihiri ya Gadi: na munene wa Gadi a la va Eliasafu mwana wa Reueli.

¹⁵ Na lihe lilye, navo ava validzwa kuvo, va li tsielfu makumi gane na tsitano, na tsimia tsitano na indala na avandu makumi gatano.

¹⁶ Vosi ava validzwa mu hokusosa ha Rubeni, va li tsielfu mia na makumi gatano na indala na tsimia tsine na avandu makumi gatano. Navo va la samula va kaviri.

¹⁷ Hene yaho lihema lyokuvuganira mu li la samula, halala na hokusosa ha Valevi hagati heviduma vyahokusosa: kuli lyombaka lyavo mu hokusosa, ni ndiyo va la samula, sa mulala hango hehe himbi nebendera yeye.

¹⁸ Ku luvega lwemadioli, ha la va nebendera ya hokusosa ha Efiriam, kuli amahe gavo: na munene wa avana va Efiraim a la va Alishama mwana wa Amihudu.

¹⁹ Na lihe lilye, navo ava validzwa kuvo, va li tsielfu makumi gane na tsimia tsitano.

²⁰ Na himbi naye i la va ihiri ya Manase: na munene wa avana va Manase a la va Gamalieli mwana wa Padazuru.

²¹ Na lihe lilye, navo ava validzwa kuvo, va li tsielfu makumi gavaka na tsiviri, na tsimia tsiviri.

²² Na ihiri ya Benjamini: na munene wa avana va Benjamini a la va Abidani mwana wa Gideoni.

²³ Na lihe lilye, navo ava validzwa kuvo va li tsielfu makumi gavaka na tsitano, na tsimia tsine.

²⁴ Vosi ava validzwa va hokusosa ha Efiraim va li tsielfu mia na tsitano na tsivaka, na mia indala, kuli amahe gavo. Navo va la samula va kavaka.

²⁵ Ku luvega lwa kasikasini ha la va nebendera ya hokusosa ha Dan, kuli amahe gavo: na munene wa avana va Dan a la va Ahiezeru mwana; wa Amishadai.

²⁶ Na lihe lilye, navo ava validzwa kuvo va li tsielfu makumi gatano na lilala na tsiviri, na tsimia tsitano na tsiviri.

²⁷ Na yavo avombaka himbi naye va la va ihiri ya Asheri: na munene wa avana va Asheri a la va Pagieli mwana wa Okirani.

²⁸ Na lihe lilye, navo ava validzwa kuvo, va li tsielfu makumi gane na indala, na tsimia tsitano.

²⁹ Na ihiri ya Nafitali: na munene w a avana va Nafitali a la va Ahira mwana wa Ellani.

³⁰ Na lihe lilye navo ava validzwa kuvo, va li tsielfu makumi gatano na tsivaka, na tsimia tsine.

³¹ Vosi ava validzwa mu hokusosa ha Dan, va li tsielfu mia na makumi gatano na tsitano na tsiviri, na tsimia tsitano na indala. Yava va la samula invima ku tsibendera tsyavo.

³² Yava nivo ava validzwa ku avana va Israeli kuli tsinyumba tsyavaguga vavo: vosi ava validzwa mu viduma vya hokusosa kuli amahe gavo, va li tsielfu tsimia tsitano na indala na tsielfu tsivaka, na tsimia tsitano na avandu makumi gatano.

³³ Navutswa Avalevi si va validzirwa halala na avana va Israeli; kuli Yahova ya laga Musa.

³⁴ Avana va Israeli va kola ndiyo; kuli gosi ga Yahova ya laga Musa, vombaka ndiyo ha teibendera tsyavo tsi veye, na ndiyo va samula sa mulala ku bwiko bwavo, kuli tsinyumba tsyavaguga vavo tsi veye.