Kyavalevi 18 - KITABU KITAKATIFU

¹ Kandi Yahova ya volera Musa, na a vola,

² U volere avana va Israeli, nokuvavolera, Inze mbeye Yahova Nyasaye wenyu.

³ Mwinye mu ta kola kuli likola lyekivala kya Egepeti, kya mwa menya mukyo: kandi mu ta kola kuli likola lyekivala kya Kanani, ha nda mwingeridza; kandi mu ta londa malago gavo.

⁴ Miima gyange mu la kola, na mu la gumira malago gange kugenda mugo: inze mbeye Yahova Nyasaye wenyu.

⁵ Kunangwa mu la gumira malago gange, na miima gyange; agomundu u tumekira, a la va mwoyo kugo: inze mbeye Yahova.

⁶ Ku vosi mundu ku mwhye a tisunda ku mulala u veye mwiko wewe, kumuvimbula kyahonyo: inze mbeye Yahova.

⁷ Kyahonyo kya dada wowo, kinga kyahonyo kya mama wowo, u ta vimbula: a veye mama wowo, u ta vimbula kyahonyo kikye mba.

⁸ Kyahonyo kyomukali wa dada wowo u ta vimbula: kigira ki veye kyahonyo kya dada wowo.

⁹ Kyahonyo kya mbotso wowo, mukana wa dada wowo, kinga mukana wa mama wowo, na a va ni yivulwa mu inyumba yenyu, kinga ni yivulwa ahandi, u ta vimbula kyahonyo kyavo.

¹⁰ Na kyahonyo kya navizala wowo womwana muyai wowo, kinga womwana mukana wowo, kyahonyo kyavo u ta vimbula: kigira kyahonyo kyavo ki veye kyahonyo kikyo.

¹¹ Kyahonyo kyambotso wowo wenyumba yindi, wa dada wowo yivula, uyu a veye mbotso wowo, u ta vimbula kyahonyo kikye.

¹² U ta vimbula kyahonyo kya senge wowo: a veye mwiko wa dada wowo wa himbi.

¹³ U ta vimbula kyahonyo kya amawavo wa mama wowo: a veye mwiko wa mama wowo wa himbi.

¹⁴ U ta vimbula kyahonyo kya amwavo wa dada wowo, u tisunda ku mukali wewe: a veye mama wowo.

¹⁵ U ta vimbula kyahonyo kya navizala wowo: a veye mukali womwana wowo, u ta vimbula kyahonyo kikye.

¹⁶ U ta vimbula kyahonyo kya mukali wamwavo wowo: ki veye kyahonyo kya amwavo wowo.

¹⁷ U ta vimbula kyahonyo kyomukali na kyomukana wewe; u ta vugula mukana womuyai wewe, kinga mukana womukana wewe; ku vimbula kyahonyo kyavo, va veye aviko vovo va himbi: bu veye ubudamano bunene.

¹⁸ Na u ta vugula mukali halala na amwavo wewe kuva mudambidzi kuye; u ta vimbula kyahonyo kikye, halala na wundi lwa a veye mwoyo.

¹⁹ Kandi u tisunda himbi ku mukali kuvimbula kyahonyo kikye inyinga a vikwa ha luvega kigira a tsiye mweli.

²⁰ U ta va halala nomukali womutende wowo kweyononya naye.

²¹ Kandi u ta haana kali mulala ku lwivulo lulwo kuvakola kuvita muliru kigira Moleku; kandi u ta lega lieta lya Nyasaye wowo: inze mbeye Yahova.

²² Kandi u ta gona nomusatsa kuli u gonanga nomukali: li veye livihiriridza.

²³ Kandi u ta gona nenyama ku tsyosi kweyononnya nayo; na mukali ku vosi a ta singira imbiri wenyama, kugona halala nayo: ki veye kivihiri.

²⁴ Mu teyononya mwinye avene mu vindu yivyo: kigira mu yivi vyosi tsihiri tsya ntwulidza imbiri wenyu va veye avadamano;

²⁵ na kivala ki veye kidamano: kunangwa mbikanga ubudamano bwavo kukyo, na kivala ki lukanga avandu vakyo nokuvatwulidza.

²⁶ Kunangwa mwinye mu la gumira malago gange na miima gyange, na mu ta kola livihiriridza kali lilala; kinga uyu woluhya ku Vaisraeli, kinga mmenya hagati henyu:

²⁷ (kigira avandu vekivala ava li imbiri wenyu, va koli livihiriridza vili lyosi, na kivala ki veye kidamano);

²⁸ kivala ki vule kuluka mwinye kandi, lwa mu kvononya, kuli kya hlka ihiri ya li imbiri wenyu.

²⁹ Kigira ku vosi mundu u kola lilala lyelivihiriridza yili avandu yavo ava li kola va la twulidzwa mu avandu vavo.

³⁰ Kunangwa mu gumire lilaga lyange, mu vule kukola kali lilala ku livihiriridza lidamano, lya tanga kukolwa imbiri wenyu, na mu teyononya avene muvyo: inze mbeye Yahova Nyasaye wenyu.