Kyavalevi 16 - KITABU KITAKATIFU

¹ Na Yahova ya volera Musa, inyima welikudza lya avana vaviri va Haruni, lwa visunda himbi ku Yahova, ni va kudza;

² na Yahova ya volera Musa, U volere Haruni amwavo vovo, atingira tsinyinga tsyosi mu hatakatifu, mu ingubo yokukinga, imbiri wentebe yetsimbabasi i veye ku lisanduku; vule kukudza: kigira nda loleka mu lilesi ku intebe yetsimbabasi.

³ Haruni alingira hatakatifu nevindu yivi: kimoli kigiriki kuva kihaanwa kyobwoni, na ligondi likole kuva kihaanwa kyokusambwa.

⁴ Na a livika likoti litakatifu lyekatani, na a livika isiruali yekatani ku nnbiri gwigwe, na a leboha musipi gwekatani na a la vikwa igudwa yekatani: yitsi ni tsingubo tsintakatifu; na a lisinga mbiri gwigwe mu madzi, na a la tsyevika.

⁵ Na a la vugula ku livugana lya avana va Israeli tsimbuli tsikole tsiviri kuva kihaanwa kyobwoni, na ligondi likole lilala kuva kihaanwa kyokusambwa.

⁶ Na Haruni a la leta igiriki kuva kihaanwa kyobwoni, kuva kikye mwene, nokwilombera mwene navenyumba yeye, kyokukunika ubwoni.

⁷ Na a la leta tsimbuli tsiviri tsikole, nokutsivika imbiri wa Yahova ha kiliango kyelihema lyokuvuganira mu.

⁸ Na Haruni a la kola ikura ku i tsikole tsiriri; ikura indala i ve ya Yahova, na ikura yindi i ve yokutsia ni i veye mwoyo.

⁹ Na Haruni a la haana ikole yekura i gwiriye Yahova, nokugihaana kuva kihaanwa kyobwoni.

¹⁰ Navutswa ikole yekura i gwiriye yokutsia ni i veye mwoyo, i la vikwa imbiri wa Yahova ni i veye mwoyo, kulomba nayo kyokukunika ubwoni, na a la gi hila migendanyama kulakulwa.

¹¹ Na Haruni a la leta kimoli kyekihaanwa kyobwoni, ki veye kikye mwene, na a lelombera mwene navenyumba yeye kyokukunika ubwoni, na a liita kimoli kyekihaan w a kyobwoni ki veye kigira mwene:

¹² na a la vugula kituva kyethahabu kizula amanda gomuliru gwobwali bu veye imbiri wa Yahova, na makono gege gizula kimuli kinolu kyanyukwa na, a la vi hila muse mwengubo vokukinga:

¹³ na a la vika kimuli ku muliru imbiri wa Yahova, mwoki gwekimuli gu kunike intebe yetsimbabasi i veye ku lilolekidza, a vule kukudza:

¹⁴ na a la vugula ku masahi gekimoli, nokuguuha nekidete ku intebe yetsimbabasi ku luvega lwevugwe; na imbiri wentebe yetsimbabasi a luuha masahi nekidete hali gatano na gaviri.

¹⁵ Hene yaho a liitira avandu ikole yekihaanwa kyobwoni, nokuleta masahi gayo muse mwengubo yokukinga, nokukola na masahi gayo kuli ya kola na masahi gekimoli, nokuguuha ku intebe yetsimbabasi, na imbiri wentebe yetsimbabasi:

¹⁶ na a la lombera hatakatifu kyokukunika ubwoni, kigira ubudamano bwa avana va Israeli, na kigira mahyolo gavo, kali ubwoni bwavo bwosi: kandi a la kolera ndiyo lihema lyokuvuganira mu, li menyanga halala navo hagati hobudamano bwavo.

¹⁷ Na ha la vula kuva nomundu kali mulala mu lihema lyokuvuganira mu, lwa musalisi yingira mu kulomba kyokukunika ubwoni mu hatakatifu, kuduka lwa a twula, na a mali kulombera mwene, na avenyumba yeye, na avelivugana lyosi lya Israeli, kyokukunika ubwoni.

¹⁸ Naye a la twula kutsia ku bwali bu veye imbiri wa Yahova, na a la lombera ubwali kyokukunika ubwoni, na a la vugula ku masahi gekimoli noku masahi gelikole, nokugavika ku tsinziga tsyobwali tsimbega tsyosi.

¹⁹ Naye a luuha masahi kubwo; nekidete kikye hali gatano na gaviri, nokubukola bulahi, nokubutakasa ku budamano bwa avana va Israeli.

²⁰ Na lwa a mali kulombera hatakatifu kyokukunika ubwoni, na lihema lyokuvuganira mu, na ubwali, hene yaho a la leta ikole i veye rnwoyo:

²¹ na Haruni a la vika amakono gege gombi ku mutwe li gwekole i veye mwoyo, nokwiyamira kuyo ubudamano bwosi bwa avana va Israeli, na mahyolo gavo gosi, kali ubwoni bwavo bwosi; na a la bu vika ku mutwe gwekole, na a la gi hila mwigendanyama mu mukono gwomundu wetegeki:

²² na ikole zana i la ginga ubudamano bwavo bwosi kubuhila mu kivala ki ta li navandu: na a la lakula ikole mwigendanyama.

²³ Na Haruni a lingira mu lihema lyokuvuganira mu, na a la navula tsingubo tsyekatani, tsya yivika lwa yingira mu hatakatifu, na a la tsi leka ha zana:

²⁴ na a liisinga mbiri mu madzi mu hatakatifu, nokwivika tsingubo tsitsye, na a latwula kutsia kuhaana kihaanwa kyokusambwa kikye, na kihaanwa kyokusambwa kya avandu, nokulombera mwene na avandu kyokukunika ubwoni.

²⁵ Na tsitinya tsyekihaanwa kyobwoni, a la tsi samba ku bwali.

²⁶ Na uyu wa hila ikole yokulakulwa a logidza tsingubo tsitsye, nokwisinga mu madzi, na inyima a lingira mu hokusosa.

²⁷ Na kimoli kyekihaanwa kyobwoni, na ikole yekihaanwa kyobwoni, vyamasahi gavyo ga letwa ku lomba kyokukunika ubwoni mu hatakatifu, vi la hilwa kyova wa hokusosa; na va la samba nomuliru masero gavyo, na inyama yavyo, na ubose bwavyo.

²⁸ Na uyu u vi samba a logodza tsingubo tsitsye, nokwisinga mu madzi, na invima a lingira hokusosa.

²⁹ Na li la va lilaga lyemihiga nemihiga ku mwinye: ku mweli gwa gyitano na gyiviri, ku lidiku lyelikumi lyomweli, mu la vika myoyo gyenyu ku budinyu, na mu vule kuloka miyinzi, uyu woluhya kinga, mgeni u menya hagati henyu:

³⁰ kigira ku lidiku yili kyokukunika ubwoni ki la lomberwa mwinye kumutakasa, na mu la va avatakaseywi ubwoni bwenyu imbiri wa Yahova.

³¹ Li veye lisabato lyobweremeridzi ku mwinye, na mu la vika myoyo gvenyu ku budinyu; Ii veve iilaga lyemihiga nemihiga.

³² Na musalisi u li vakwa kuva musalisi mu bugono bwa ise wewe, a la lomba kyokukunika ubwoni, na a li vika tsingubo tsyekatani, kali tsingubo tsintakatifu:

³³ na a la lombera hatakatifu kyokukunika ubwoni, na la la lombera lihema lyokuvuganira mu na ubwali, kyokukunika ubwoni na a la lombera avasalisi na avandu vosi velivugana kyokukunika ubwoni.

³⁴ Na yili li la va lilaga lyemihiga nemihiga ku mwinye, kulombera avana va Israeli kyokukunika ubwoni kigira ubwoni bwavo inyinga indala ku muhiga. Na ya kola kuli Yahova ya laga Musa.