Jeremia 11 - KITABU KITAKATIFU

¹ Yili ni likuva lya duka ku Jeremia kutwula ku Yahova, kuvola,

² Mu hulire makuva gelilagana yili, na u volere avandu va Yuda, na va menyanga Yerusalemi;

³ u va volere, Yahova, Nyasaye wa Israeli, a vola. A laamwe mundu uyu u vula kuhulirn makuva gelilagana yili,

⁴ lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

⁵ nduke kudinyeridza lyesuha lya ndisuhira vaguga venyu, kuvaha kivala ki gangulukanga amaveere nobwuki, kuli ga veye lero. Hene yaho nda bugirira, nokuvola, Amini, O Yahova.

⁶ Na Yahova ya mbolera, Wilwadze amakuva yaga gosi mu madala ga Yuda, nomu tsinzira tsya Yerusalemi, kuvola, Mu hulire makuva gelilagana yili kugakola.

⁷ Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

⁸ Navutswa si va hulira, kinga kutegidza amatu, navutswa va genda sa mulala mu bukyamu bwomwoyo gwigwe mudamano: kigira yaga nda leta kuvo makuva gosi gelilagana yili, lya nda va laga va kole, navutswa va vula kugakola.

⁹ Na Yahova ya mbolera, Lyebaala li loleki mu avandu va Yuda, nomu va menyanga Yerusalemi.

¹⁰ Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

¹¹ Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

¹² Hene yaho madala ga Yuda na ava menyanga Yerusalemi va la tsia nokwanira ku vanyasaye vavo ava va vuyidziranga vimuli: navutswa si va la va honnya mba ku inyinga yekivi kyavo.

¹³ Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

¹⁴ Kigira yaga u ta saalira avandu yava mba, kandi u ta ginga lilira kinga lisaala kigira yavo mba; kigira inze si nda va hulira inyinga vanira ku inze kigira kivi kyavo.

¹⁵ Kunangwa mukali muyanze wange a i veye nekidieli ki mu inyumba yange, kigira ya londa amakuva madamano halala navanyingi, na inyama intakatifu i mali kutwula ku ive? Lwa u kolanga budamano, nilwo lwa u sangalanga.

¹⁶ Yahova ya ku gu lika, Muzeituni gwa amatu mavisi, mulahi, gwa makuyu malahi: ya fwana muliru kugwo nomuliviti gwe kivihiri kinene, na tsisya tsitsye tsi vuniki.

¹⁷ Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

¹⁸ Na Yahova ya mmanya, na inze nda manya yaga: hene yaho wa mmanya vikolwa vyavo.

¹⁹ Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

²⁰ Navutswa, O Yahova wa mahe, ive u kalaganga bulungi, ive u geridzanga kikenge nomwoyo, u mbe kulola kisalya kikyo kuvo: kigira nang'aminye likuva lyange ku ive.

²¹ Kigira yaga Yahova a vola ku makuva gavandu va Anathothu, yavo ave nyanga livamwoyo lilyo, ni va vola, Ive si u la profeta ku lieta lya Yahova, u vule kwiitwa namakono getu;

²² kigira yaga Yahova wa mahe a vola, Henza, nda ha avandu yava mageli: avayai avasoleli va la kudza ku kivavi; avayai vavo navakana va la kudza nenzala;

²³ si ha la va u tigala kuvo: kigira nda leta ubuda mano ku avandu va Anathothu, livola li veye muhiga gwe lidukirwa lyavo.