Isaya 23 - KITABU KITAKATIFU

¹ Ubuliduhu bwa Turo. Mu kupe tsikwili, mwinye amato ga Tarshishi; kigira lyononnyeywi ligali, kuduka si ha veye nonyumba kali indala, si ha veye nelingira: va vuuleywi likuva yili kutwula mu kivala kya Kitim.

² Mu kiring'ane, mwi nye avamenyi ku luginga lwenyanza, ive wa yavo avakirannyi va Sidone avambukanga inyanza, va kwizulitse.

³ Ku amadzi manene bugutsa bwa Shihoru, neligesa lyomugera gwa Nili, vi veye limedeka vyalyo; nalyo lya li kitu kyetsihiri.

⁴ U ve netsisoni O Sidone; kigira inyanza i vola impinga yenyanza, i vola, Inze si nda li nelilumwa, kandi si ndivula, kandi si nda lera avana vikula, kandi si nda lera avakana.

⁵ Ugusuma lwa gu duka Egepeti, va la henda mwoyo kigira ugusuma gwa Turo.

⁶ Mwa mbuke mu tsie Tarshishi; mu kupe tsikwili, mwinye avamenyanga ku luginga.

⁷ Yili ni lidala lyenyu lyo busangali, lyeliva lyalyo lya kale ni lya madiku gokumatsyambiri, lyevirenge vyalyo vya li hila kumenya ihale?

⁸ Ni bwaha wa saavira inkuva yiyi ku Turo, lidala lyokuvika itaji, lya vakirani valyo va veye avana vavami, na vagulannyi valyo va veye avobukumi mu lirova?

⁹ Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

¹⁰ U vite mu kivala kikyo kuli mugera gwa Nili, O mukana wa Tarshishi; si ha veye netsingulu tsyokwigalira.

¹¹ A nyiye mukono gwigwe ku inyanza, u sung'usi ubwami lugano lugano: Yahova u haani lilago ku Kanani, kudividza tsimpinga tsyalyo.

¹² Na ya vola, Ive si u la va nobu sangali kandi, O mukana mgima wa Sirlone wa dambidzwa: singira, wambuke kutsia Kitim; kali wene yeyo si u la nyola lisosa mba.

¹³ Henza, kivala kya Vakalidei: avand u yavo si va veyo kandi; Muasuria u ki singeridzira yavo ava menyi mwigendanyama; vombaka vitaradzi vyavo; vononnya tsinyumba tsyalyo tsyobwami; navo va li kola li ve kyanyi.

¹⁴ Mu kupe tsikwili, mwinye amato ga Tarshishi; kigira impinga yenyu i koleywi hatswa.

¹⁵ Na ga la va mu lidiku yilyo, Turo li livirirwa mihiga makumi gatano na gaviri, kuli madiku gomwami mulala: na inyima wekiheri kyemihiga makumi gatano na gaviri ga la va ku Turo kuli ga li mu lwimbu lwowama laya.

¹⁶ Vugula ubukana, u tsie yiyi neyiyi mu lidala, ive wamalaya wivirirwa; wimbe nomwoyo mulahi, wimbe tsinyimbu tsinyingi, u duke kwidzulitswa.

¹⁷ Na ga la va inyima wekiheri kyemihiga makumi gatano na gaviri, Yahova a ladza ku Turo, naye a lirana ku madanyi gege, na a la kola malaya nobwami bwosi bwelirova na mumoni mwelirova.

¹⁸ Na likirannya lyakyo na madanyi gakyo vi la va ubutakatifu ku Yahova: si vi vikwa mu butugi kandi si vi la vikwa mu akiba; kigira likiranya lyalyo li la va lyavamenyanga imbiri wa Yahova, va duke kulia vyokulia vi duki, nokwivika tsingubo tsi menya.