2 Kyetsinyinga 26 - KITABU KITAKATIFU

¹ Na vandu vosi va Yuda va vugula Uzia, naye ya li wemi higa likumi negyitano na mulala, na va mu kola mwami mbugono bwa dada wewe Amazia.

² Uyu niye wombaka Elothu, ya lirannya ku Yuda, lwenyima mwami ya mala ku gona halala navaguga veve.

³ Uzia ya li wemihiga likumi na gyitano na mulala lwa ya tanga kwameha; na yameha mihiga makumi gatano na gyiviri mu Yerusalemi: na lieta lya mama wewe lya langwa Jekilia, wa Yerusalemi.

⁴ Ya kola agobulungi mu tsimoni tsya Yahova, kuli gosi ga Amazia dada wewe ya kola.

⁵ Ye vika mwene kwenya Nyasaye mma diku ga Zekaria, wa li nelimanya mu malolo ga Nyasaye: nomu madiku ga yevika mwene kwenya Yahova, Nya saye ya mu ha ligasidzwa.

⁶ Ya twula kutsia kulwana ku Vafilisiti, na ya sambula lugaga lwa Gathu, nolugaga lwa Jabine, nolugaga lwa Ashidodi; na yombaka madala mu kivala kya Ashidodi na hagati ha Vafilisiti.

⁷ Na Nyasaye ya mu konya ku Vafilisiti, noku Vaarabu va menya mu Guribaal, noku Vameu ni.

⁸ Na Vaamon va letera Uzia ubusutu: na lieta lilye lya landidzwa kuduka kali ha bwingiriru bwa Ege peti; kigira ya medeka tsingulu ligali.

⁹ Kandi Uzia yombaka minara mu Yerusalemi, ha kiribwa kyekona, na ha kiribwa kyelivona, na ha kigodi, kyelidigi na ya vyombaka netsi ngulu.

¹⁰ Na yombaka minara mwi gendanyama, na ya yava bwina bwo kuvungidza mu amadzi, kigira ya li nemitugu minyingi; kandi mu kivala kyekivanda, nomu kireremu: na ya li na valimi na valindi vemizabibu mu vigulu nomu milimi gyevindu vinyi ngi; kigira ya li ni ya yanza kulima

¹¹ Kandi Uzia ya li nelihe lyavandu vokulwana, va tsia rnu bulwani viduma neviduma, kuli livalidzwa lya va validzwa nomukono gwa mung'odi Jeieli, na Maseia mu singiriri, na isi womukono gwa Hanania, mulala ku vanene vo mwami.

¹² Livalidzwa lyosi lyemi twe gyetsinyumba tsyavaguga, navo nivo avasatsa valuviriri, va veye tsielfu tsiviri netsimia tsitano na indala.

¹³ Na isi womukono gwavo ha li nelihe, tsielfu tsimia tsivaka netsielfu tsitano netsiviri na tsimia tsitano, avokulwana netsingulu tsi nene, kukonya mwami ku musigu

¹⁴ Na Uzia ya lombera lihe lyosi, tsikuti, na matimu, nevigudu, netsi salamba, nobuta, netsimbuyi tsyoku lasa.

¹⁵ Kandi ya lomba mu Yeru salemi vyokulasa, vyavandu vyobu geeri va vangula, vi ve mu minara noku minara gyevitaradzi, vyokulasa mibano namagina manene. Na lieta lilye lya landidzwa kuduka ihale, kigira ya konywa munonono, kuduka na a va netsingulu.

¹⁶ Navutswa lwa ya mala kunyola tsingulu, mwoyo gwigwe gweginga, na a kola ubudamano, nokuhyola ku Yahova Nyasaye wewe; kigira yingira mu litempeli lya Yahova a duke ku vuyidza ku bwali bwokuvuyidza vimuli.

¹⁷ Na Azaria musalisi yi ngira inyima wewe, na vasalisi va Yahova makumi gatano na gavaka avaluviriri:

¹⁸ na va gaya mwami Uzia, ni va mu volera, Si ga ku dukira ive, Uzia, kuvuyidzira Yahova, navutswa ga dukira avasalisi avana va Haruni, ava takaswa kuvuyidza: twule mu hatakatifu, kigira u hyoye; na si ga la va lidzominywa lilyo ku Yahova Nyasaye mba.

¹⁹ Hene yaho Uzia ya vihirirwa; naye ya li nekituva mu mukono gwigwe lwoku vuyidzira ku vimuli, na lwa ya vihiririwa avasalisi, ubugere bwa siruka mu bweni bwibwe imbiri wavasalisi mu inyumba ya Yahova himbi nobwali bwokuvuyidza.

²⁰ Na Azaria musalisi munene, na v asalisi vosi, va mu henza, na, henza, a veye nobugere mu bweni bwibwe; va mu twulidza mu bwangu; naye mwene ya kola bwangu kutwula, kigira Yahova ya mu kuya.

²¹ Na mwami Uzia ya gwa mugere kuduka ku lidiku lya ya kudza, ya menya mu inyumba ya vikwa ha luvega, kigira ya li mugere; kigira inyumba ya Yahova ya mweleha: na mwana wewe Jotham ya li munene ku inyumba yomwami, ya kalagira avandu vekivala.

²² Na vikolwa vya Uzia vya tigala, vyoku tanga nevyekiheri, muprofeti Isaya, mwana wa Amozu, ya ving'oda.

²³ Ma Uzia ya gona halala navaguga veve; na va mu ta halala navaguga veve mu mugidzi gwokuta gwa avami; kigira va vola, Uyu nomugere: na Jotham mwana wewe yameha mbugono bwibwe.