2 Kyetsinyinga 20 - KITABU KITAKATIFU

¹ Na ga duka inyima wa yaga, avana va Moabu, navana va Amon, halala navandi mu yavo Vaa mon, va tsia ku Jehoshafatu kulwana naye.

² Hene yaho avalala vadza ni va volera Jehoshafatu, ni va vola Kiduma kinene kidzanga ku ive kutwula Siria, engereka wenyanza; na, henza, va veye Hazazontamaru (ha zana ni Engedi).

³ Jehoshafatu ya tia, ni yevika mu lyenya ku Yahova; ya landidza lilaga lyelihonga lilia mu Yuda mwosi.

⁴ Na Yuda vevungidza halala, va duke kwenya ubukonyi ku Yahova; va twula mu madala gosi ga Yuda vadza kwenya Yahova.

⁵ Na Jehoshafatu ya singira mu livugana lya Yuda na Yerusalemi, mu inyumba ya Yahova, imbiri womugidzi muhya;

⁶ na ya vola, O Yahova, Nyasaye wavaguga vetu, ive si u veye Nyasaye migulu? Kandi si u veye wokwameha ku bwami bwosi bwetsihiri? Kandi tsingulu nobunyali vi veye mu mukono gugwo, mundu si a nyala kuhing'ana nive.

⁷ Ive, Nyasaye wetu, si wa kunga ava menyanga mu kivala yiki imbiri wa vandu vovo Israeli, kandi si wa ki haana ku visukululwi vyomulina wowo Abrahamu mihiga nemihiga?

⁸ Navo va menya mukyo, na vomba kira ive mukyo hatakatifu he lieta lilyo, ni va vola,

⁹ Ubudamano ni bu duka ku kwinye, kivavi, kinga likalaga, kinga ipelegi, kinga inzala, ku la singira imbiri wenyumba yiyi, na imbiri wowo (kigira lieta lilyo li veye mu inyumba yiyi), kwanire ive mu kivi kyetu, na ive u la hulira nokukuhonya.

¹⁰ Na kalunu, he nza, avana va Amon na Moabu na vekigulu kya Seiru, ava wa vula kuleka Israeli kwingira mu kivala kyavo, lwa va twula mu kivala kya Egepeti, navutswa va vekenduka, va vule kuvadividza;

¹¹ henza, va ku tunganga ndi, kukukunga ku miyandu gyigyo, gya wa ku ha kugyinyola.

¹² O Nyasaye wetu, si u la kalaga kuvo? Kigira kwinye si ku veye nobunyali ku kiduma yiki kinene kidzanga ku kwinye; kandi si ku ma nya kya ku kola: navutswa tsimoni tsyetu tsi veye ku ive.

¹³ Na Yuda vosi va singira imbiri wa Yahova, na vakekeke vavo, na vakali vavo, navana vavo.

¹⁴ Hene yaho Roho wa Yahova ya duka ku Jahazieli, mwana wa Zekaria, mwana wa Benaia, mwana wa Jeieli, mwana wa Matania, Mu levi, ku avana va Asafu, hagati ha livugana;

¹⁵ na a va volera, Mu hulire, mwinye Vayuda vosi, na ava menya Yerusalemi, na ive mwami Jehoshafatu: Yahova a mu volera yaga, Mu ta tia mba, kandi mu ta kudza mwoyo kigira kiduma kinene yiki; kigira ubulwani si bu veye bwenyu, navutswa bu veye bwa Nyasaye.

¹⁶ Mugamba mu sulu ngute mu tsie kuvo: henza, vanegirira ku kyanegiru kya Zizu; na mu la va nyola ha kiheri kyelivona, imbiri we kyangalangwi kya Jerueli.

¹⁷ Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

¹⁸ Jehoshafatu yinaminya mutwe gwigwe na a dukidza mmoni mwimwe hasi; na vosi Vayuda na ava menya Yerusa lemi va gwa hasi imbiri wa Yahova, ni va sigamira Yahova.

¹⁹ Na Valevi, ku avana va Vakohathu navana va Vakora, va singira kwidzo minya Yahova, Nyasaye wa Israeli, nomwoyo munene ligali.

²⁰ Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

²¹ Na lwa ya mala kuvolerana navandu, ya vika yavo avimbira Yahova, nokwidzominya ubukumi bwobutakatifu, lwa va twula imbiri welihe, ni va vola, Mu santidze Yahova; kigira tsimbabasi tsitsye tsi veye tsyemihiga nemihiga.

²² Na lwa va tanga kwimba nokwidzominya, Yahova ya vika avaseti ku avana va Amon, na Moabu, na veki gulu kya Seiru, avadza ku Yuda: navo va kuywa.

²³ Kigira avana va Amon, na Moabu va vukira yavo ava menya mu kigulu kya Seiru, kuviita nokuvadividza ligali; na lwa va mala kudividza yavo avamenyi Seiru, va manya ni vekerukana avene sa mulala kudividza wakye.

²⁴ Na Vayuda lwa va mala kuduka ha kitaradzi kya li mu kyangalangwi, va lola kiduma zana; henza, mibin mikudzu gyi gwiye hasi, na si ha veye nowa hona.

²⁵ Na lwa Jehoshafatu navandu veve va duka kuvo kuva lanya, va nyola hagati havo ubutugi, nemibiri mikudzu vinyingi, neviju vyobuguli budinyu vya va navula kuvo nokuvivugula, navyo vya kira vya va ta nyala kuhila: va duka madiku gavaka ku lilanya, lya li linyingi.

²⁶ Ku lidiku lya kane va vugana mwivona lya Beraka; kigira ha zana yaho niho ha va gasidzira Yahova: kigira yaga ha zana ha gu likwa Livona lya Beraka kuduka lero.

²⁷ Ma virana, sa mulala mundu wa Yuda na Yerusalemi, na Jehoshafatu mwimiriri wavo, kutsia kandi Yeru salemi nobuyanzi; kigira Yahova ya va kola va sangale ku vasigu vavo.

²⁸ Va duka Yerusalemi nobukana nobukana bwemigoye na mang'alala, kutsia mu inyumba ya Yahova

²⁹ Na litibwa lya Yahova lya li ku bwami bwosi bwevivala yivyo, lwa va hulira Yahova u kuyi avasigu va Israeli.

³⁰ Ma bwami bwa Jeho shafatu bwehodzeridza; kigira Nya saye wewe ya mu ha busosi ku tsi mbega tsyosi.

³¹ Jehoshafatu yameha ku Yuda: ya li mundu wemihiga makumi ga vaka na gyitano lwa ya tanga kwameha; na yameha mihiga makumi gaviri na gyitano mu Yerusalemi: na lieta lya mama wewe lya langwa Azuba mwana wa Shilihi.

³² Na ya genda ku inzira ya Asa dada wewe, si ya gi leka kutsia ha luvega, ya kola agobulungi mu tsimoni tsya Yahova.

³³ Navutswa hadiguluku ha vula kutwulidzwa; kinga avandu va li ni va kikiri kuyekidza myoyo yavo ku Nyasaye wavaguga vavo.

³⁴ Na vya tigala ku vikolwa vya Jehoshafatu, vyokutanga nevyekiheri, henza, vya ng'odwa mu makuva getsinyinga tsya Jehu mwana wa Hanani, navyo vya vikwa mu kitabu kyavami va Israeli.

³⁵ Inyima wa yaga Jehoshafatu mwami wa Yuda ya hambana na Ahazia mwami wa Israeli; wa zana uyu ya kola budamano muno:

³⁶ ya hambana naye kulomba amato goku tsia Tarshishi; na va lombera amato ha Eziongeberi.

³⁷ Hene yaho Eliezeru mwana wa Dodavahu Mu maresha ya profetera Jehoshafatu, na a mu volera, kigira ive wehambanyi ku Ahazia, Yahova wononyi miyinzi gyigyo. Namato yaga gononywa, si ga nyala kutsia Tarshishi.