2 Kyetsinyinga 17 - KITABU KITAKATIFU

¹ Na Jehoshafatu mwana wewe yameha mbugono bwibwe, na yevika tsingulu kuvuha va Israeli.

² Na ya vika amahe mu madala gosi ga Yuda getsingaga, na a vika ava lindi mu kivala kya Yuda, nomu madala ga Efiraim, aga dada wewe Asa ya vugula.

³ Na Yahova ya li halala na Jehoshafatu, kigira ya genda mu tsinzira tsyokutanga tsya guga wewe Daudi, ya vula kutsia ku Vabaal;

⁴ navutswa yenya Nyasaye wa dada wewe, na a genda mu lila gana lilye, na si ga li kuli vikolwa vya Israeli.

⁵ Kigira yaga Yahova ya dinyeridza ubwami mmukono gwi gwe; na Yuda vosi va letera Je hoshafatu vihaanwa; naye ya li nobu tugi nelidzominywa linyingi.

⁶ Na mwoyo gwigwe gwa gingwa ku tsi nzira tsya Yahova: kandi ya twulidza hadiguluku nevifwananyi vyemisala gyemisambwa mu Buyuda.

⁷ Kandi ku muhiga gwegyivaka gwelyameha lilye ya tuma avanene veve, navo ni Benhaili, na Obadia, na Zekaria, na Nethaneli, na Mikaia, kwegidza mmadala ga Yuda;

⁸ na Valevi halala navo, Shemaia, na Nethania, na Zebadia, na Asaheli, na Shemiramothu, na Jehonathan, na Adonija, na Tobija, na Tobadonija, Valevi; na halala navo Elishama, na Jehoram, avasalisi.

⁹ Navo vegidza mu Yuda, va veye nekitabu kye lilaga lya Yahova halala navo; va vodonkana mu madala gosi ga Yuda, ni vegidza hagati ha vandu.

¹⁰ Na litihidza lya Yahova lya gwa ku bwami bwosi bwomu vivala bwa li ku tsimbega tsya Yuda, va vula ku kola bulwani na Jehoshafatu.

¹¹ Na valala ku Vafilisiti va letera Jehosha fatu vihaanwa, nobusutu bwefetha; na Vaarabu va mu letera vyayo vyamagondi, makole tsielfu tsitano na tsiviri na tsimia tsitano na tsiviri, na tsikole tsielfu tsitano na tsiviri na tsimia tsitano na tsiviri.

¹² Na Jehoshafatu ya meda tsingulu ligali; na yombaka tsimpinga, na madala ga ikiba mu Yuda.

¹³ Na ya li nemiyinzi minyingi mu madala ga Yuda; navandu vobulwani, avalu viriri, mu Yerusalemi.

¹⁴ Na yili nelivalidzwa lyavo, kuli tsinyumba tsyavaguga vavo: Ku Vayuda, va nyampara vyetsielfu: munene wavo ni Adina, halala navaluviriri avandu tsielfu tsimia tsivaka;

¹⁵ na wa kaviri kuye Jehohanan munyampara, na halala naye avandu tsielfu tsimia tsiviri na makumi gatano na gavaka;

¹⁶ na wa londa uyu ni Amasia mwana wa Zikiri, wehaana mwene ku Yahova nobuyanzi; na halala naye ava ndu tsielfu tsimia tsiviri valuviriri.

¹⁷ Nomu Benjamini: Eliada musatsa muluviriri, na halala naye avandu tsielfu tsimia tsiviri avevyuma vyobu lwani, ubuta netsikuti;

¹⁸ na wa kaviri kuye Jehozabadu, na halala naye avandu tsielfu mia na makumi gatano na gavaka avetegeka ku bulwani.

¹⁹ Yavo nivo ava tume kira mwami, halala vandi avo mwami ya vika mu madala getsingaga mu Buyuda bwosi.