2 Kyetsinyinga 13 - KITABU KITAKATIFU

¹ Mu muhiga gu kola likumi na gyitano na gyivaka gwelya meha lyomwami Jeroboam Abija ya tanga kwameha ku Yuda.

² Yameha mihiga gyivaka mu Yerusalemi: na lieta lya mama wewe rya li Mikaia mukana wa Urieli wa Gibea. Na bwa li ubulwani hagati ha Abija na Jeroboam.

³ Na Abija ya lomba bulwani halala nelihe lyavandu valu viriri vobulwani, va duka tsielfu tsi mia tsine ava tovolwa: na Jeroboam ya lomba ubulwani kuye navandu ava tovolwa tsielfu tsimia tsitano na tsivaka, avetsingulu avaluviriri.

⁴ Na Abija ya singira ku kigulu kya Zemaraim, ki veye mu kivala kyevi gulu kya Efiraim, na a vola, Mu hulire, O Jeroboam, na Israeli vosi:

⁵ Si ga dukira mwinye kumanya Yahova, Nyasaye wa Israeli, ya ha Daudi bwami bwa Israeli mihiga nemihiga, ku uyu navana veve, nelilagana lyomunyu?

⁶ Navutswa Jeroboam mwana wa Nebati, mutu mekiri wa Solomoni mwana wa Daudi, ya singira, nokwebaala ku munene wewe.

⁷ Na va vugana kuye avandi vamakuva ga vutswa, avadamano, vekola netsingulu ku Rehoboam mwana wa Solomoni, lwa Rehoboam ya li mwana muyai nomwoyo mudoto, na si a nyala kuvagaya.

⁸ Na kalunu mu gana gana mu la gayabwami bwa Yahova mu makono gavana va Daudi; na mwinye mu veye kiduma kinene, kandi vimoli vyethahabu vi veye halala nemwinye, vya Jeroboam ya mu lombera kuva avanyasaye venyu.

⁹ Mwinye si mwa kunga avasalisi va Yahova avana va Haruni, na Valevi ni mweiombera avasalisi venyu kuli miima gyavandu vevivala vindu? Kuduka vosi udzanga kwivika ku vanyasaye, negiriki navana vama gondi makoli, vatano na vaviri, a nyala kuva musalisi, wa yavo ava ta li avanyasaye.

¹⁰ Navutswa kwi nye, Nyasaye wetu a veye Yahova, si ku mu lekanga mba; kandi ku veye navasalisi ava turnekiranga Yahova, avana va Haruni na Valevi ku miyinzi gyavo:

¹¹ navo madiku gosi mugamba nomgolova va vuyidzi ranga Yahova vihaanwa vyokusa mbwa nevimuli vinolu: kandi va vika bulahi ubukima bwokumanyira ku imeza indahi; nekinara kyethahabu netsitaya tsyatsyo, kwaaka migolova gyosi: kigira kwinye ku lindanga ubulindi bwa Yahova Nyasaye wetu navutswa mwinye mu mu leki.

¹² Na, henzi, Nyasaye a veye halala nekwinye, niye mutwe gwetu, na vasilisi veve halala nevisiliva vi veye nemyoyo kukupa vyokutihidza ku mwinye. O avana va Israeli, mu ta lwana na Yahova, Nyasaye wavaguga venyu; kigira si mu la gasidzwa mba.

¹³ Navutswa Jeroboam ya lomba avaseti va kumbiridze inyima wavo navo va duka kuva imbiri wa Vayuda na vaseti inyima wavo.

¹⁴ Na lwa Vayuda va henza inyima, henza ubulwani bu veye imbiri nenyima, na vanira Yahova, na vasalisi va kupa visiliva.

¹⁵ Hene yaho avandu va Yuda va kupa uluku: na ga duka lwa avandu va Yuda va kupa uluku, Nyasaye ya kuya Jeroboam na Israeli vosi imbiri wa Abija na Yuda.

¹⁶ Avana va Israeli viruka imbiri wa Yuda; na Nyasaye ya va vika mmakono gavo.

¹⁷ Abija navandu veve viita liita linene: va gwa mu Israeli avandu tsielfu tsimia tsitano viitwa, ava tovolwa.

¹⁸ Nandiyo avana va Israeli va gwa avadedekere inyinga yeyo, navana va Yuda va guuta, kigira vesedema ku Yahova Nyasaye wavaguga vavo.

¹⁹ Na Abija ya londerera Jeroboam, na ya munyaga madala, Betheli notudala twalyo, Jeshana notudala twalyo, ne Efroni notudala twalyo.

²⁰ Na Jeroboam si ya nyola kandi tsingulu mu madiku ga Abija: na Yahova ya mu kuya, na a kudza.

²¹ Navutswa Abija ya meda tsingulu, na a kwa vakali likumi na vane, na yivula avana avayai makumi gaviri na vaviri, navakana likumi na vatano na mulala.

²² Ni ga tigala mu vikolwa vya Abija, na tsinzira tsitsye, na makuva gege, ga ng'odwa mu kitabu kyetsinyinga kyomuprofeti Ido.