2 Kyetsinyinga 11 - KITABU KITAKATIFU

¹ Na lwa Rehoboam ya duka Yerusalemi, ya vungidza ara ndu venyumba ya Yuda na Benjamin avandu tsielfu mia na makumi ga tano na gavaka avatovolwa, avoku lwana, va duke kulwana na Israeli kwirannya ubwami ku Rehoboam kandi.

² Navutswa likuva lya Ya hova lya duka ku Shemaia mundu wa Nyasaye, na a volerwa,

³ Vo lera Rehoboam mwana wa Solomoni, mwami wa Yuda, noku Israeli vosi ava veye mu Yuda, na Benjamini, u va volere,

⁴ Yahova a vola ndina, Mu tanegira, kandi mu ta lwana navamwavo venyu: mwirane sa mulala ku inyumba yeye; kigira inkuva yiyi, mukoli ni inze. Ma va hulira makuva ga Yahova, ni virana kuleka litwulira Jeroboam.

⁵ Na Rehoboam ya menya mu Yerusalemi, na yombaka mu Yuda amadala gokwigalira.

⁶ Yombaka Bethlehemu, na Etam, na Tekoa,

⁷ na Bethzuru, na Soko, na Adulam,

⁸ na Gathu, na Maresha, na Zifu

⁹ na Adoraim, na Lakishi, na Azeka

¹⁰ na Zora, na Ajalon, na Hebironi, ga li mu Yuda nomu Benjamini madala getsingaga.

¹¹ Na ya lomba tsimpinga tsyetsingulu, na a vika avanyampara mutsyo, na videera vye vyokulia, namaguta newaini.

¹² Na mmadala se lilala ya rika mu tsingavo na matimo, na a ga dinyeridza ligali. Yuda na Benjamini va li ku luvega lwilwe.

¹³ Na vasalisi na Valevi ava li mu Israeli mwosi va li ni vadikira kuye kutwula ku tsinzako tsyavo tsyosi.

¹⁴ Kigira Valevi va leka tudala twavo nemiyandu gyavo, ni vadza Buyuda na Yerusalemi: kigira Jero boam navana veve va va syuva va vule kukolera Yahova miyinzi gyobusalisi;

¹⁵ yivikira avasalisi va hadiguluku, na vetsikole, na veviflva nanyi vyevimoli vya ya lomba.

¹⁶ Nenyima wa yavo, vadza Yeru salemi kuhaana vihaanwa ku Yahova, Nyasaye wavaguga vavo, yavo ava vika myoyo gyavo kwenya Yahova, Nyasaye wa Israeli, mu tsihiri tsyosi tsya Israeli.

¹⁷ Ma va dinyeridza ubwami bwa Yuda, na va ha Reho boam mwana wa Solomoni bunyali, mihiga gyivaka; kigira va genda mihiga gyivaka ku inzira ya Daudi na Solomoni.

¹⁸ Na Rehoboam ya leta mukali, Mahalathu mukana wa Jerimothu, mwana wa Daudi, na Abihaili mukana wa Eliabu mwana wa Jesse;

¹⁹ naye ya mivulira avana, Jeusha, na She maria, na Zaham.

²⁰ Na inyima wa uyu ya kwa Maaka mukana wa Abisalom: naye ya mivulira Abija, na Atai, na Ziza, na Shelomithu.

²¹ Rehoboam ya yanza Maaka mu kana wa Abisalom kuvita avakali veve vosi, na vasuria veve (kigira ya leta vakali likumi na vatano na va vaka, na vasuria makumi gatano na lilala, na yivula avana makumi gaviri na vatano na vavaka, navana vakana makumi gatano na lilala).

²² Na Rehoboam ya kola Abija mwana wa Maaka kuva munene, mutwe hagati ha vamwavo veve; kigira ya saavira kumwamehidza.

²³ Ya kola nobu geeri, ni ya salanya avana veve vosi mu kivala kyosi kya Yuda na Benjamini hosi, mu lidala se lidala lyolugaga: ya va ha vyokulia vinyi ngi. Na a venyera avakali vanyingi.