1 Vatesalonike 2 - KITABU KITAKATIFU

¹ Kigira mwinye avene, avamitu, mu manya lingira lyetu ku mwinye, si lya loleka kuva vutswa:

² navutswa lwekivi kya ku gwira ku matsyambiri nokukolerwa ubudamano mu Filipi, kuli wa mu manya, kwa luvirira mu Nyasaye wetu kumuvolera ivangeli ya Nyasaye mu buhandalali ubunene.

³ Kigira lyeganehidza lyetu si lya li nobugotidzi, kandi si lya li nekifwabwi, kandi si lya li nobugadi;

⁴ navutswa kuli wa Nyasaye ya ku bugirira ku kolwe avalindi vevangeli, ku vola ndiyo; si ku vola kuyanzidza avandu, navutswa Nyasaye u geridzanga myoyo gyetu.

⁵ Kigira tsinyinga tsyosi si kwa loleka kutumekira amakuva gokwidzominya ligali, kuli mu ma nya, nekyokuvisa likayirwa lidamano Nyasaye a veye muloli;

⁶ kandi s; kwenya ubukumi bu twulanga ku vandu, naho bu twulanga ku mwinye kinga ku vandi, lwa kwa li ni ku nyala kuvugula tsingulu kuli avatumwa va Kristo.

⁷ Navutswa kwa loleka kuva avahooma ku mwinye, kuli muleri a dendanga avana veve mwene:

⁸ kandi ndiyo kwinye kwa kayirwa mwinye nobuyanzi ubunene, si kwa yanza kuha mwinye ivangeli ya Nyasaye yeng'ine, navutswa roho gyetu kandi, kigira mwa gwa avayanze vetu ligali.

⁹ Avamitu vetu kigira mwidzulitsa linyankana lyetu nobusaliri: ku kolanga miyinzi ubu diku nombasu ku vule kumina mundu kali mulala ku mwinye, kwa mwilwadzira ivangeli ya Nyasaye.

¹⁰ Mwinye mu veye avalolekidzi, kandi Nyasaye, kuli wa kwa li nolugendo lwobutakatifu nobulungi, bugira kindu ku kwinye imbiri wenyu mwinye avasuuviri:

¹¹ kuli mu manya lugano lwa kwa kola ku mwinye sa mulala, kuli Dada a kola ku vana v eve mwene, ni ku mu luviriridza nokumutsuva nokulolekidza,

¹² mu duke kugenda kuli wa ga dukananga ku Nyasaye, wa mu langa mwingire mu bwami bwibwe nomu bukumi.

¹³ Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

¹⁴ Kigira mwinye avamitu, mwa gwa avegi ku mavu gano aga Nyasaye ga veye mu Kristo Yesu ge Buyuda: kigira mwinye kandi mwa nyola vindu yivi vyekivi mu mikono gya yavo avehiri yenyu, kuli yavo va vi nyola ku Vayuda:

¹⁵ aviita Mwami Yesu, kandi avaprofeti, kandi va kunga kwinye, kandi si va yanzidza Nyasaye, kandi va hing'ana navandu vosi;

¹⁶ kandi va ku gaya kuvolerana nave Tsihiri va duke kuhonnywa; va duke kukiridza ubwoni bwavo kazozo: navutswa ubutima bu duki kuvo bwosi ligali.

¹⁷ Navutswa kwinye, avamitu, kwa vula kuva nemwinye inyinga inkekeke mu lilolana, navutswa si ga li ndiyo mu myoyo, kwa kola ubugulu kukira namaholu kulola mumoni mwenyu:

¹⁸ kigira yaga kwa li ni kwenya kuudza ku mwinye, inze Paulo inyinga yokutanga nenyinga ya kaviri; na Setani ya kwigalira.

¹⁹ Kigira lisuuviridzwa lyetu li veye ki, kinga lisangala lyetu li veye ki, kinga itaji yeliidzominya lyetu li veye ki? Si mu li mwinye imbiri wo Mwami wetu Yesu Kristo mu lidza lilye?

²⁰ Kigira mwinye mu veye ubukumi bwetu nelisangala lyetu.