1 Kyetsinyinga 17 - KITABU KITAKATIFU

¹ Na ga duka, lwa Daudi ya li na a menyi mu inyumba yeye, Daudi ya volera Nathan muprofeti, Henza, inze menyi mu inyumba ye tsimbao tsyomutaragwa, na lisa nduku lyelilagana lya Yahova li menyanga isi wetsingubo.

² Na Nathan ya volera Daudi, na a vola, Kola gosi aga veye mu mwoyo gugwo; kigira Nyasaye a veye halala nive.

³ Na ga duka mbudiku zana, likuva lya Nyasaye lya duka ku Nathan, kuvola,

⁴ Tsia u volere Daudi, mutumekiri wange, Yahova a vola nga, Ive si u lombakira inze inyumba kumenya muyo mba:

⁵ kigira inze si mmenyanga mu inyumba kutwula ku lidiku lya ndanegeridza Israeli, kuduka lidiku lya lero, navutswa nda tsia kutwula mu lihema yili kuduka mu lihema yili, nokutwula mbumenyo yibu kuduka ku bwundi.

⁶ Hosi ha nda genda halala na Israeli, nda vola likuva ku mulala ku vaka lagi, ava nda laga va ve avayi va vandu vange, ni mbola, Kigira ki mwinye mu vuli kunyombakira inyumba yetsimbao tsyemitaragwa?

⁷ Kunangwa kalunu u la volera mutumekiri wange Daudi, likuva yili, Yahova wa mahe a ku volera, Nda ku vugula mu kyayiru, lwa wa li no u londanga magondi, u duke kuva mwami ku avandu vange Israeli:

⁸ na nda li halala nive hosi ha wa tsia, na nda kalaga vasigu vovo vosi imbiri wowo; na nda manya nkulo mbere lieta, kuli lieta lyavanene va veye mu lirova.

⁹ Na nda vikira avandu vange Israeli hango, kandi nda va simika, va duke kumenya hango havo avene, va vule kusundwa mihiga nemihiga; navana vot uda mano si va la va dambidza kandi mba, kuli va va kolera ku matsya mbiri,

¹⁰ na kuli kutwula ku lidiku lya nda laga avakalagi va ve k u avandu vange Israeli; nda gehidza avasigu vovo vosi. Kuvita yaga nku voleranga Yahova a lombakira ive inyumba.

¹¹ Na ga la duka, lwa madiku gogo ga duka aga dukira ive kutsia kuva halala navaguga vovo, nda singeridza kisukululwi kikyo inyima wowo, ki li va kyavana vovo; na nda dinyeridza ubwami bwibwe.

¹² Uyu a la nyombakira inyumba, na nda dinyeridza intebe yeye yo bwami mihiga nemihiga.

¹³ Inze nda va dada wewe, naye a la va mwana wange: kandi si nda twulidza kuye tsimbabasi tsyange mba, kuli nda tsi twulidza ku uyu wa tanga kuva imbiri wowo;

¹⁴ navutswa nda mu dinyeridza mu inyumba yange nomu bwami bwange mihiga nemi higa; na intebe yeye yobwami i la singira mihiga nemihiga.

¹⁵ Kuli amakuva yaga gosi, kuli amalola yaga gosi, ni ndiyo Nathan ya volera Daudi.

¹⁶ Hene yaho mwami Daudi yi ngira, ne yikala imbiri wa Yahova; na a vola, O Yahova Nyasaye, inze mbeye bwaha, nenyumba yange i veye ki, ive nu va nu u mali kuleta inze kuduka hano ha mbeye?

¹⁷ Inkuva yiyi ya li inkekeke mu tsimoni tsitsyo, O Nyasaye; navutswa u mali kuvola amakuva genyumba yomutumekiri wowo kali kuduka ku madiku gembiri ligali, na u mali kulola inze kuli liva lyomundu wobunene ligali, O Yahova Nyasaye.

¹⁸ Na Daudi a nyala kuvolera ive kindu ki kandi kuvita ku makuva gelidzominywa lyomutumekiri wowo? Kigira u manya mutumekiri wowo.

¹⁹ O Yahova, u mali kukola ubunene yibu bwosi kigira mutumekiri wowo, kuli mwoyo gugwo mwene kuduka kumannya vindu vinene yivi vyosi.

²⁰ O Yahova, si ha veye nowundi kuli ive, kandi si ha veye na Nyasaye wundi navutswa ive, kuli yaga gosi aga kwa hulira namatu getu.

²¹ Ka ndi ha veye na ihiri ki mu lirova i veye kuli avandu vovo Israeli, ava. Nyasaye ya tsia kutungira va ve avandu veve mwene, a duke kukulo mbera lieta ku vindu vinene vyoku tihidza, ku likunga tsihiri tsi twule imbiri wavandu vovo, va ive wa tu ngira kuvatwulidza Egepeti?

²² Ki gira wa kola avandu vovo Israeli kuva avandu vovo mwene mihiga nemihiga; na ive, Yahova, wa gwa Nyasaye wavo.

²³ Kalunu, O Ya hova, likuva lya wa vola ku makuva gomutumekiri wowo, noku makuva genyumba yeye, li dinyeridzwe mihiga nemihiga, na u kole kuli u voye.

²⁴ Na lieta lilyo li dinyeridzwe noku kuminywa mihiga nemihiga, kuvola, Uyu Yahova wamahe niye Nyasaye wa Israeli, a veye Nyasaye ku Israeli, nenyumba ya Daudi mutumekiri wowo i dinyeridzeywi imbiri wowo.

²⁵ Kigira ive, O Nyasaye wange, u mali kuvuulira mutumekiri wowo u la mwombakira inyumba: kigira yaga mutumekiri wowo u nyoye mu mwoyo guigwe lisaala imbiri wowo.

²⁶ Ka lunu, O Yahova, ive u veye Nyasaye, na u mali kusuuviridza mutumekiri wowo inkuva indahi yiyi:

²⁷ kalunu u yanzidzeywi kugasidza inyumba yomutumekiri wowo, i duke kumenya imbiri wowo mihiga nemihiga: kigira ive O Yahova, u mali kugasidza, nayo i gasidzeywi mihiga nemihiga.