Salmo 54 - Manobo Western Bukidnon OT

Is Megbevayà iyan Edtavang

¹ He Megbevayà, libriya a; pinaaǥi te ǥehem nu, petueni nu he wazè ku salà.

² Pemineǥa nu is menge kebpengemuyù ku

³ su zuen menge lumelengyawà he midsurung kedì su edhimetayan e zan. Menge mesipala sikandan ne wazè dan mekekilala kenikew.

⁴ Kenà a egkezuwazuwa he sikew is Megbevayè ku, ne iyan ka edtavang kediey. Iyan ka, Nengazen, sendiǥè ku.

⁵ Berakat he medlikù diyà te menge kuntada ku is menge pesipala zan. He Megbevayà dèdeeti nu sikandan tenged te kebmetinumanen nu.

⁶ Nengazen, ebpemuhat a ziyà te kenikew te pemuhat he kineugelingen he suat. Edeliǥen ku sikew su iyan haazà meupiya.

⁷ Su ibpelingkawas a kenikew te langun he kelised ku, ne egkeehè ku is kegkezeeǥa te menge kuntada ku.