Salmo 130 - Manobo Western Bukidnon OT

Kedsarig te Nengazen te Timpu te Kelised

¹ Tenged te subra he kelised nengumew a ziyan te kenikew, Nengazen.

² Pemineǥa nu is kebpehizuhizu ku kenikew.

³ Nengazen, ke và nu zà inlista is menge salè dey, ne hentei zà buwa is egkesamà diyan te etuvangan nu?

⁴ Piru mibpesaylu key kenikew, umbe edtehuzen dey sikew.

⁵ Edtaǥad a iyan kenikew, Nengazen, wey edsarig a te lalag nu.

⁶ Edtaǥad a kenikew, Nengazen, lavew pa te kedtaǥad te perevantey te kebmeselem.

⁷ Menge tig-Israel, sarig kew te Nengazen, su veliǥeǥawen sikandin, ne layun sikandin andam te kedluwas.

⁸ Iyan sikandin edluwas keniyu te langun he menge salè niw.