Salmo 70 - Marahay na Bareta BibliaPamibi sa Paghagad nin Tabang ( Salmo 40:13-17 ) 1 O Dios, ligtasan ako! Kagurangnan, paghumare sa pagtabang sako! 2 Magkasoropog logod asin magkarilibong an mga nagmamawot na gumadan sako. Magsiribog logod asin magkasoropgan an nagmamawot na ako makulogan. 3 Mamungnan logod sa kasopogan an mga nagtutuyatuya sako. 4 Mag-ogma logod asin maggayagaya an gabos na naghahanap saimo. An mga nagpapahalaga kan saimong kaligtasan danay logod na magsabi, “Dakula an Dios!” 5 Ako dukha asin nangangaipo, O Dios, paghumare sa pagtabang sako. Ika an sakuyang tabang asin paraligtas, hare paghaloy, Kagurangnan. |
Marahay na Bareta Biblia © Philippine Bible Society, 1992.
Philippine Bible Society