1 Mga Cronica 7 - Marahay na Bareta Biblia

Mga Kapagarakian ni Issakar

¹ Apat an aking lalaki ni Issakar: si Tola, Pua, Jasub, asin Simron.

² An mga aking lalaki ni Tola iyo si Uzzi, Refaias, Jeriel, Jamai, Ibsam, asin Semuel. Sinda an mga pamayo kan mga pamilya kan kamaganakan ni Tola, asin bantog sindang mga soldados. Kan panahon ni Hadeng David, an bilang kan saindang kapagarakian uminabot sa beynte dos mil seis syentos.

³ Saro an aking lalaki ni Uzzi na iyo si Izrahias. An mga aking lalaki kaini iyo si Miguel, Obadias, Joel, asin Issias, na mga pamayo man nin mga pamilya.

⁴ Igwa sinda nin dakul na agom asin mga aki, kaya an bilang kan saindang kapagarakian, na maninigong maglingkod sa hukbo, uminabot sa treynta y seis mil.

⁵ Sosog sa mga opisyal na talaan kan mga pamilya sa tribu ni Issakar, an kabilogan na bilang kan mga lalaking maninigong maglingkod sa hukbo uminabot sa otsenta y syete mil.

Mga Kapagarakian ni Benjamin asin ni Dan

⁶ Tolo an aking lalaki ni Benjamin: si Bela, si Beker, asin si Jediael.

⁷ Lima an aking lalaki ni Bela: si Ezbon, Uzzi, Uziel, Jerimot, asin Iri. Sinda an mga pamayo kan mga pamilya kan kamaganakan ni Bela, asin bantog sindang mga soldados. An bilang kan saindang kapagarakian, na maninigong maglingkod sa hukbo, uminabot sa beynte dos mil treynta y kwatro.

⁸ Siyam an mga aking lalaki ni Beker: si Zemira, Joas, Eliezer, Eleoenai, Omri, Jerimot, Abias, Anatot, asin Alemet.

⁹ Sa opisyal na talaan kan saindang kapagarakian sosog sa saindang mga pamilya, beynte mil dos syentos gabos an mga lalaking nakalistang maninigong maglingkod sa hukbo.

¹⁰ Saro an aking lalaki ni Jediael, na iyo si Bilhan. An mga aking lalaki ni Bilhan iyo si Jeus, Benjamin, Ehud, Kenaana, Zetan, Tarsis, asin Ahisahar.

¹¹ Sinda an mga pamayo kan mga pamilya sa kapagarakian ni Bilhan, asin bantog sindang mga soldados. An bilang kan saindang kapagarakian, na maninigong maglingkod sa hukbo, uminabot sa dyes y syete mil dos syentos.

¹² Kabilang man sa tribung ini si Suppim asin si Huppim. Si Husim iyo sana an aking lalaki ni Dan.

Mga Kapagarakian ni Neftali

¹³ An mga aking lalaki ni Neftali iyo si Jaziel, Guni, Jezer asin Sallum. (Kapagarakian sinda ni Bilha.)

Mga Kapagarakian ni Manases

¹⁴ An mga aking lalaki ni Manases sa kasaroan niyang Aramea iyo si Asriel asin si Makir. Si Makir iyo an ama ni Gilead.

¹⁵ Ikinua ni Makir nin agom si Huppim saka si Suppim. Igwa nin tugang na babae si Makir na an ngaran Maaca. An ikaduwang aking lalaki ni Makir na si Zelofehad dai nagkaigwa nin aking lalaki kundi mga babae sana.

¹⁶ Sa saiyang agom na si Maaca, nagkaigwa si Makir nin duwang aking lalaki: si Perez asin si Seres. Duwa an aking lalaki ni Perez: si Ulam asin si Rakem.

¹⁷ Saro an aking lalaki ni Ulam: na iyo si Bedan. Iyo ini gabos an kapagarakian ni Gilead, na aki ni Makir asin makoapo ni Manases.

¹⁸ An Tugang na babae ni Gilead na si Hammoleket nagkaigwa nin tolong aking lalaki na iyo si Isod, Abiezer, asin Mala. (

¹⁹ An mga aking lalaki ni Semida iyo si Ahian, Sekem, Likhi, asin Aniam.)

Mga Kapagarakian ni Efraim

²⁰ Iyo ini an mga kapagarakian ni Efraim sa pasurunod-sunod na henerasyon magpoon saiya: Efraim, Sutela, Bered, Tahat, Eleada, Tahat,

²¹ Zabad, asin Sutela. Igwa pa nin duwang aking lalaki si Efraim na iyo si Ezer asin si Elead. An duwang ini nagadan kan mangahas sindang manghabon nin baka sa mga nag-eerok sa Gat.

²² Nagmondo an ama nindang si Efraim sa halawig na panahon. Nag-abot an mga tugang ni Efraim asin rinanga siya.

²³ Dangan dinorogan giraray ni Efraim an saiyang agom, nagbados ini asin nangaki nin sarong lalaki. An aki nginaranan nindang Berias, huli sa kasakitan na uminabot sa saindang pamilya.

²⁴ An aking babae ni Efraim na si Seera iyo an nagtugdok kan mga banwa nin Itaas asin Ibabang Bet-horon patin nin Uzen-seera.

²⁵ Igwa pa si Efraim nin aking lalaki na an ngaran Refa. An mga kapagarakian kaini sa pasurunod-sunod na henerasyon magpoon saiya iyo si Refa, Resef, Tela, Tahan,

²⁶ Ladan, Amihud, Elisama,

²⁷ Nun, asin Josue.

²⁸ An teritoryo na saindang pinag-erokan iyo an Betel kaiba an mga banwa sa palibot kaini, an Naaran na nasa sirangan, an Gezer na nasa solnopan, an mga syudad nin Shekem asin Ayya, kaiba an mga banwa sa palibot kan mga ini.

²⁹ An mga kapagarakian ni Manases iyo an kagsakop kan mga syudad nin Bet-sean, Taanac, Meggido, asin Dor, kaiba an mga banwa sa palibot kan mga ini. Iyo ini an mga lugar na pinag-erokan kan kapagarakian ni Jose na aki ni Jacob.

Mga Kapagarakian ni Asher

³⁰ An mga aking lalaki ni Asher iyo si Imna, Isva, Isvi, asin Berias: an tugang nindang babae iyo si Sera.

³¹ An mga aking lalaki ni Berias iyo si Heber asin si Malkiel. (Si Malkiel iyo an nagtugdok kan syudad nin Birzait.)

³² An mga aking lalaki ni Heber iyo si Jaflet, Somer, asin Hotam; an tugang nindang babae iyo si Sua.

³³ An mga aking lalaki ni Jaflet iyo si Pasac, Bimhal, asin Asvat.

³⁴ An mga aking lalaki kan tugang niyang si Somer iyo si Roga, Jehubba, asin Aram.

³⁵ An mga aking lalaki kan tugang niyang si Hotam iyo si Zofa, Imna, Seles, asin Amal.

³⁶ An mga aking lalaki ni Zofa iyo si Sua, Harnefer, Sual, Beri, Imra,

³⁷ Bezer, Hod, Samma, Silsa, Itran, asin Beera.

³⁸ An mga aking lalaki ni Jeter iyo si Jefunne, Pispa, Ara.

³⁹ An kapagarakian ni Ulla iyo si Ara, Haniel asin Rizia.

⁴⁰ Ini gabos iyo an kapagarakian ni Asher. Mga pamayo sinda nin mga pamilya, mga bantog na soldados asin midbid na mga lider. An bilang kan kapagarakian ni Asher na maninigong maglingkod sa hukbo uminabot sa beynte seis mil.