ZEREMIAH 45 - Mara Bible RV (BSI)

Bâruka hnohta Zeremiah bietapa

¹ He he Zôsia sawchapawpa Zudâh bei Zehôki abeina kô palihna liata, Zeremiah ta Neriah sawchapaw Bâruka a chhopa, Zeremiah pakah tawhta a puapa biezy hawh tlai ta Bâruka ta châbu liata a ropazy a châ.

² “Hy Bâruka y, Abeipa, Izarei Khazohpa ta na hnohta hetana heta a tah:

³ ‘Ei hu a po kaw dia! Abeipa ta ei sa pasana liata pachârôhna na baichha ha ta, ei hro chhao panao pâ khai ha ta, huhnona rai hmô thei va na,’ tah chi ta.

⁴ Châhrasala Abeipa ta na hnohta reih awpa ta hetana heta eina chho: Abeipa ta hetana heta a tah: Pachâ teh, ei padua hapa cha phie heih aw na ta, ei bô hapa chhao ei phia heih awh.

⁵ Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.