ZAWSUA 12 - Mara Bible RV (BSI)

Mawsi pahnie pa beizy

¹ Hezy he Zawdâh haosâ nochhi lâta Anaw saikao tawhta Hâmaw Tlâh taihta nata Arabâ nochhi lâ râh liata beizy Izarei sawzy ta pahnie ei ta, ama râh ama lapazy ama châ:

² Hesbaw liata a pahrâpa Amawri bei Sihaw pahnie ei ta. Amawri bei Sihaw cha Anaw saikao chhâna liata a ypa Arôerâ khihpi tawhta ryu a reihpa châ ta, a râh cha Anaw saikao liah khophie taihta nata Kilia râh khophie nata Amawna mo râhri Zabaw chavah taihta a châ.

³ Arabâ nochhi lâta a ypa Chinerô tipo tawhta Arabâ tipo, tipo iahpa taihta nata chho lâta Piskâ baikhaihpazy ry taihta Sihaw râhzy a châ hra.

⁴ Izarei sawzy ta Bâsanâ bei Ôkâ chhao pahnie ei ta. Bâsanâ mo cha Rephai chi laibâhpazy châ ei ta, Astarô nata Edarei khihpizy liata a pahrâpa ama châ.

⁵ Ôkâ cha Hâmaw Tlâh liata zy, Salekâ khihpi liata zy, Kesurimô nata Mâkâ mo râhri taihta Bâsanâ râh zydua chô liata zy ryureih ta, Hesbaw bei Sihaw râhri taihta Kilia râh khophie chô liata chhao ryu a reihpa a châ.

⁶ Abeipa chakaotuhpa Mawsi nata Izarei sawzy ta âmo cha pahnie ei ta. Ama râhzy cha Abeipa chakaotuhpa Mawsi ta Rubena chi, Kâdâ chi nata Manase chi khophiezy hnohta ama ryuto châta a pie ei.

Zawsua pahniepa beizy

⁷ Hezy he Zawsua nata Izarei sawzy ta Zawdâh notla lâta ama pahniepa râh beizy ama châ: Lebanaw saikao Bâlâkadâ tawhta Seirâ Tlâh a kaw dypa Hâlâ Tlâh taihta ama pahniepa râhzy cha Zawsua ta Izarei chizy hnohta ama chi apachhaihnazie hawhta ama ryuto châta a pie ei.

⁸ Cha râhzy cha tlâh râh, bypi râh, Arabâ râh, tlâh baihkhaihpa, râhchawhpa nata Neke râh liata a ypazy châ ei ta, Hiti mo, Amawri mo, Kâna mo, Perizi mo nata Zebu mo râhzy a châ.

⁹ Bei a pahniepazy cha Zerikô bei pakha, Bethel kiapâh ta Ai bei pakha,

¹⁰ Zerusale bei pakha, Hebraw bei pakha,

¹¹ Zarâmu bei pakha, Lakhi bei pakha,

¹² Ekalaw bei pakha, Keze bei pakha,

¹³ Debi bei pakha, Kedâ bei pakha,

¹⁴ Hômâ bei pakha, Aradâ bei pakha,

¹⁵ Libnâ bei pakha, Adulâ bei pakha,

¹⁶ Mâkedâ bei pakha, Bethel bei pakha,

¹⁷ Tâpuah bei pakha, Hepha bei pakha,

¹⁸ Aphe bei pakha, Saraw bei pakha,

¹⁹ Mâdô bei pakha, Hâzaw bei pakha,

²⁰ Sirômerô bei pakha, Akasâ bei pakha,

²¹ Tânâ bei pakha, Mekidô bei pakha,

²² Kedesâ bei pakha, Kâmel tlâh liata Zôkania bei pakha,

²³ Nâphatadaw liata Daw bei pakha, Kâlili liata Kôimâ bei pakha,

²⁴ Tizah bei pakha, ama zydua ta bei sythôh nata bei kha ama châ.