NEHEMIAH 7 - Mara Bible RV (BSI)

Nehemiah ta Zerusale avaotuhpazy a rao

¹ Thokhy cha palohpa châ ta, ochhizy tao na ta, chhikao vaituhpazy, hlasathaipazy nata Livai pathlazy ei rao khai nahta,

² ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

³ Ama hnohta, “Zerusale thokhy chhikaozy he noh a sah hlâta pahypa châ khah sy. Chhikao vaituhpazy ta ama vai nota, ochhi lâhreizy hrai khaipa châ mawh sy. Zerusale khihsawzy tawhta vaituhpazy rao aw ei chi ta, thokha ama vaina su raopa liata vaih ei sala, thokha âmo o dady chyu ta vaih mawh ei sy,” tah na ta.

⁴ Khihpi cha kawh ta, lai ngaita ta, a chhôh liata a ypazy deikua a chyhta châ ei ta, ozy chhao paduapathipa châ tlâ mâh vei.

Seichâna tawhta a vaw kuapazy

⁵ Chatawhcha ama thyutôzie hawhta ama mohzy roh awpa ta, nôpawpazy, ryureituhpazy nata zawpizy awpakhy awpa ta, ei Khazohpa ta ei palôh liata pachâna na pahneisa ta. Zerusale lâ khy tuapazy thyutôna rona châbu hmô na ta, cha liata â rohpa cha hetana heta a châ.

⁶ Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

⁷ Chazy cha Zerubâbe, Zesua, Nehemiah, Azariah, Râmiah, Nâhamani, Môdekai, Bilsâ, Mispere, Bikavai, Nehu nata Bânâ zy chhaota amâ vaw lie. He he seichâna tawhta a vaw kuapa Izarei phopi maluh a châ:

⁸ Pârô pathlazy 2,172;

⁹ Sephatiah pathlazy 372;

¹⁰ Arâh pathlazy 652;

¹¹ Pâhamôabâ pathlazy tawhta Zesua nata Zôabâ pathlazy 2,818;

¹² Elâmi pathlazy 1,254;

¹³ Zatu pathlazy 845;

¹⁴ Zakai pathlazy 760;

¹⁵ Binu pathlazy 648;

¹⁶ Bebai pathlazy 628;

¹⁷ Azkâ pathla­zy 2,322;

¹⁸ Adônikâ pathlazy 667;

¹⁹ Bikavai pathlazy 2,067;

²⁰ Adinâ pathlazy 655;

²¹ Ate pathlazy tawhta Hezekia pathlazy 98;

²² Hâsu pathlazy 328;

²³ Bezai pathlazy 324;

²⁴ Hâripha pathlazy 112;

²⁵ Kibiô pathlazy 95;

²⁶ Bethlehe mo nata Netôpha mozy 188;

²⁷ Anathô mo 128;

²⁸ Bethamâve mo 42;

²⁹ Kiriaziari mo, Kephirâh mo nata Berô mozy 743;

³⁰ Râmâ nata Kebâ mozy 621;

³¹ Mikamâ mo 122;

³² Bethel mo nata Ai mozy 123;

³³ Nebô pathla hropa tawhta 52;

³⁴ Elâmi pathla hropazy 1,254;

³⁵ Hâri pathlazy 320;

³⁶ Zerikô pathlazy 345;

³⁷ Lôdi, Hâdi nata Ônô pathlazy 721;

³⁸ Senâ pathlazy 3,930.

³⁹ He he theihthaipa a vaw liepazy maluh a châ: Zesua pho Zediah pathlazy 973;

⁴⁰ Ime pathlazy 1,052;

⁴¹ Pâsu pathlazy 1,247;

⁴² Hâri pathlazy 1,017.

⁴³ Livai pathlazy hry liata Hôdevah pathlazy tawhta Kâdamie sawchapawpa Zesua pathlazy 74 amâ vaw lie.

⁴⁴ Hlasathaipazy hry tawhta Asâpha pathlazy 148 amâ vaw lie.

⁴⁵ Chhikao vaituhpazy hry tawhta Sâluh pathlazy, Ate pathlazy, Talmô pathlazy, Aku pathlazy, Hâti pathlazy nata Sôbai pathlazy 138 amâ vaw lie.

⁴⁶ Achhyna o liata chakaotuhpa a vaw liepazy cha Ziha pathlazy, Hâsupha pathlazy, Tâbao pathlazy,

⁴⁷ Kerô pathlazy, Sia pathlazy, Pâdô pathlazy,

⁴⁸ Lebanâ pathlazy, Hâkabâ pathlazy, Salmai pathlazy,

⁴⁹ Hâna pathlazy, Kide pathlazy, Kâhâ pathlazy,

⁵⁰ Reai pathla­zy, Rezi pathlazy, Nekôdâ pathlazy,

⁵¹ Kâzamâ pathlazy, Uza pathlazy, Pâsia pathlazy,

⁵² Besai pathlazy, Muni pathlazy, Nephusesi pathlazy,

⁵³ Bâkabu pathlazy, Hâkupha pathlazy, Hâhu pathlazy,

⁵⁴ Bâzli pathlazy, Mehidâ pathlazy, Hâsâh pathlazy,

⁵⁵ Bakô pathlazy, Siserâ pathlazy, Temâ pathlazy,

⁵⁶ Neziah pathlazy nata Hâtipha pathlazy ama châ.

⁵⁷ Sawlawmaw chakaotuhpa a vaw liepazy cha Sôtai pathlazy, Sôphere pathlazy, Peridâ pathlazy,

⁵⁸ Zalâh pathlazy, Dâkô pathlazy, Kide pathlazy,

⁵⁹ Sephatiah pathlazy, Hâti pathlazy, Pôkerehazibai pathlazy nata Amawna pathlazy ama châ.

⁶⁰ Achhyna o chakaotuhpazy nata Sawlawmaw chakaotuhpazy pathla a vaw liepazy cha, ama zydua ta 392 ama châ.

⁶¹ He sahlaozy he Temelâ, Tehâsâ, Keru, Adônâ nata Ime zy tawhta â khypazy châ ei ta, Izarei saw ama châ nata châ lei deikua cha, ama pho nata ama thyutôna a laichadai thei veih ei.

⁶² Chazy cha Deliah pathlazy, Tôbia pathlazy nata Nekôdâ pathlazy châ ei ta, ama zydua ta 642 ama châ.

⁶³ Theihthaipa a vaw liepazy cha Hôbiah pathlazy, Hâkô pathlazy nata Bâzilai pathlazy ama châ. Bâzilai pathlazy cha, chyhsa pakha ta Kilia chyhsa Bâzilai sawchanô lapinô ta hnei ta, ama moh a phaoh pâ hapa pathlazy ama châ.

⁶⁴ Cha sahlaozy cha theihthaipazy thyutôna rona châbu liata ama moh tlua ei ta, châhrasala hmô veih ei. Chavâta pathaih leipa hawhta pachâpa châ ei ta, theihthaipazy hry liata pahlaopa châ veih ei.

⁶⁵ Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

Maluh zydua nata hmopiepazy

⁶⁶ Seichâna tawhta a vaw kuapa Zawpi maluh zydua cha 42,360 a châ.

⁶⁷ Chazy thota ama seichapaw nata seichanô 7,337 a hlao ei ta, hlasathaipa chanô nata chapaw 245 amâ hlao.

⁶⁸ Arâ 736, sabaitu 245,

⁶⁹ râraoseihpa 435 nata alâ 6,720 ama hnei.

⁷⁰ Chhôhkha pawhrâhpa thokhazy ta thokhy paduapathina rai hria nawpa ta sôh thyu ei ta. Râhvaotuhpa ta ngôh dari 1,000, rahô 50, theihthaipa viahkao 30, tâkâ minâ 500 thyu ta.

⁷¹ Chhôhkha pawhrâhpa thokhazy ta ngôh dari 20,000 nata tâkâ minâ 2,200 thyu ei ta.

⁷² Zawpi thyupa a tlohpakhypa cha ngôh dari 20,000, tâkâ minâ 2,000 nata theihthaipa viahkao 67 a châ.

⁷³ Chatanachata theihthaipazy, Livai pathlazy, chhikao vaituhpazy, hlasathaipazy, zawpi thokhazy, Achhyna o chakaotuhpazy nata Izarei saw zydua cha ama khih chyu liata pahrâ ei ta. Thla sarina a vaw tlô nahta, Izarei sawzy cha ama khih chyu liata ama pahrâ khai haw.