NEHEMIAH 3 - Mara Bible RV (BSI)

Zerusale thokhy paduapathina

¹ Theihthai beichaipa Eliasi nata theihthaipa chakaona rai a hrialâhpazy thyu ei ta, Mietaku Chhikao paduapathi ei ta. Abeipa lâ hlâ ei ta, a ochhizy tao ei ta. Zakha Osâhpa nata Hânane Osâhpa tlôna taihta thokhy cha paduapathi ei ta, Abeipa lâ ama hlâ.

² Ano pazipa ta Zerikô mo ta paduapathina rai hria ei ta. Âmo pazipa ta Imri sawchapawpa Zaku ta hria ta.

³ Hâsenâ sawchapawzy ta Nga Chhikao paduapathi ei ta. A tlâhzy pakhâh ei ta, a ochhizy, a hrainazy nata a lâhreizy ama tao.

⁴ Âmo pazipa ta Hâkô sawchapawpa Uria sawchapawpa Meremô ta taopathi ta. Âmo pazipa ta Mesezabe sawchapawpa Berekiah sawchapawpa Mesulâ ta taopathi ta. Âmo pazipa ta Bânâ sawchapawpa Zadô ta taopathi ta.

⁵ Âmo pazipa ta Tekô mo ta ama taopathi. Châhrasala Tekô nôpawzy cha ama Beipa rai hria awpa a chhuah veih ei.

⁶ Pâsia saw­chapawpa Zehôdâ nata Besôdei sawchapawpa Mesulâ zy ta Zesanah Chhikao taopathi ei ta. A tlâhzy pakhâh ei ta, a ochhizy, a hrainazy nata a lâhreizy tao ei ta.

⁷ Âmo a pazipa cha, Kibiô chyhsa Melâtiah nata Merônôthi chyhsa Chadô ta taopathi ei ta. Âmo cha Chavah Haosâ râh râhvaotuhpa atyuna Kibiô nata Mizpâ chyhsazy ama châ.

⁸ A pazipa ta ngôh daihtuhpa Hâhiah sawchapawpa Uzie ta taopathi ta. A pazi heihpa cha, ropahâhpa taotuhpa hry liatapa Hânaniah ta taopathi ta. Âmo ta Thokhy Kawhpa taihta Zerusale cha ama paduapathi.

⁹ Âmo a pazipa cha, Zerusale bia khophie ryureituhpa Hurâ sawchapawpa Rephiah ta taopathi ta.

¹⁰ Âmo a pazipa ta Hârumâ sawchapawpa Zediah ta a o dady liata taopathi ta. Ano pazipa ta Hâsabâniah sawchapawpa Hâtu ta taopathi ta.

¹¹ Hâri sawchapawpa Mâkia nata Pâhamôabâ sawchapawpa Hâsuba zy ta su hropa nata meihô patina o sâhpa ama taopathi.

¹² Ano pazipa ta Halôhe sawchapawpa, Zerusale bia khophie ryureituhpa Sâluh nata a sawchanôzy ta ama taopathi.

¹³ Hânu mo nata Zanô mo ta Saikao Chhikao taopathi ei ta. A ochhizy, a hrainazy nata a lâhreizy tao ei ta, Hnaihny Chhikao taih taopathi ei ta, thokhy cha dy sâh kha ama taopathi.

¹⁴ Rekhâ sawchapawpa, Behakere bia ryureituhpa Mâkia ta Hnaihny Chhikao taopathi ta. Chhikao cha paduapathi ta, a ochhizy, a hrainazy nata a lâhreizy a tao.

¹⁵ Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

¹⁶ Ano pazipa ta Azbu sawchapawpa, Bezu bia khophie ryureituhpa Nehemiah ta taopathi ta. Dâvi thlâ dady liata tipo pa-opa nata pasaiphazy o taihta a taopathi.

¹⁷ Ano a pazipa cha Livai pathlazy ta taopathi ei ta, Bâni sawchapawpa Rehu nata ano pazipa ta Keilâh bia khophie ryureituhpa Hâsabiah ta ano bia châta a taopathi.

¹⁸ Ano pazipa ta ama unawhzy ta taopathi ei ta. Henadâ sawchapawpa, Keilâh bia khophie ryureituhpa Bavai ta a taopathi.

¹⁹ Ano pazipa su liata Zesua sawchapawpa, Mizpâ ryureituhpa Eze ta taopathi ta, chariah chhaichhi sona lâ kiana dady, thokhy pakopa liata a taopathi.

²⁰ Ano pazipa su liata Zabai sawchapawpa Bâruka ta phahnaingiah ngaitapa ta thokhy pakopa tawhta theihthai beichaipa Eliasi o ochhi taihta tao pathi ta.

²¹ Ano pazipa su liata Hâkô sawchapawpa Uria sawchapawpa Meremô ta Eliasi o ochhi tawhta Eliasi o chhâna taihta a taopathi.

²² Ano a pazipa cha a chheipâh liata theihthaipazy ta ama taopathi.

²³ Âmo pazipa ta Benzami nata Hâsuba ta ama o dady liata taopathi ei ta. Âmo pazipa ta Ananiah sawchapawpa Mâsei sawchapawpa Azariah ta a o kiapâh liata a taopathi.

²⁴ Ano a pazipa su liata Henadâ sawchapawpa Binu ta Azariah o tawhta thokhy pakopa nata thokhy ki taihta a taopathi.

²⁵ Uzai sawchapawpa Palâ ta thokhy pakopa dady nata riahvaituhpazy yna o sâhpa kiapâh liata abei o chô lâ khyna dady taopathi ta. Ano pazipa ta Pârô sawchapawpa Pedai nata

²⁶ Ôphe liata a ypa Achhyna o chakaotuhpazy ta nochhi lâchhâh Ti Chhikao dady taih nata o sâhpa lâ kiana taihta a taopathi.

²⁷ Ano a pazipa su liata Tekô mo ta o sâhpa lâ kiana dady nata Ôphe thokhy taih ama taopathi.

²⁸ Arâ Chhikao chô lâ cha theihthaipazy ta ama o dady chyu liata taopathi ei ta.

²⁹ Âmo a pazipa cha, Ime sawchapawpa Zadô ta ano o dady liata taopathi ta. Ano pazipa ta nochhi chhikao vaituhpa Sekaniah sawchapawpa Semiah ta taopathi ta.

³⁰ Ano a pazipa su liata Selemiah sawchapawpa Hânaniah nata Zalâpha sawcha­paw pacharuna Hânu ta ama taopathi. Ano pazipa ta Berekiah sawchapawpa Mesulâ ta ano chhôhpadâhpa dady taopathi ta.

³¹ Ano pazipa ta ngôh daihtuhpa hry liatapa Mâkia ta Mopasiana Chhikao dady liata Achhyna o chakaotuhpazy o nata sôdaohpazy o nata thokhy ki chô chhôhpadâhpa taih taopathi ta.

³² Ngôh daihtuhpazy nata sôdaohpazy ta thokhy ki chô chhôhpadâhpa nata Mietaku Chhikao likawh ama taopathi.