NEHEMIAH 10 - Mara Bible RV (BSI)

Biehrai a pa-ipazy

¹ Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

² Seriah, Azariah, Zeremiah,

³ Pâsu, Amaria, Mâkia,

⁴ Hâtu, Sebaniah, Mâluh,

⁵ Hâri, Meremô, Ôbadia,

⁶ Dâniah, Kinethô, Bâru,

⁷ Mesulâ, Abiza, Mizami,

⁸ Mâzai, Bikai nata Semiah zy châ ei ta, âmo cha theihthaipazy ama châ.

⁹ Livai pathla moh ropazy cha, Azaniah sawchapawpa Zesua, Henadâ sawchapawzy hry liata Binu nata Kâdamie;

¹⁰ ama unawhpa Sebaniah, Hôdiah, Kelitâ, Pelai, Hâna,

¹¹ Mikhâ, Rehô, Hâsabiah,

¹² Zaku, Serebiah, Sebaniah,

¹³ Hôdiah, Bâni nata Beninu zy ama châ.

¹⁴ Zawpi chhituhpa moh ropazy cha Pârô, Pâhamôabâ, Elâmi, Zatu, Bâni,

¹⁵ Buni, Azkâ, Bebai,

¹⁶ Adôniza, Bikavai, Adinâ,

¹⁷ Ate, Hezakiah, Azu,

¹⁸ Hôdiah, Hâsu, Bezai,

¹⁹ Hâripha, Anathô, Nebai,

²⁰ Mâkipiah, Mesulâ, Hezi,

²¹ Mesezabe, Zadô, Zadua,

²² Pelatiah, Hâna, Aniah,

²³ Hôsia, Hânaniah, Hâsu,

²⁴ Halôhe, Pileha, Sôbe,

²⁵ Rehu, Hâsanâh, Mâsei,

²⁶ Ahiza, Hâna, Anâ,

²⁷ Mâluh, Hâri nata Bânâ zy ama châ.

Biehrai bietaizy

²⁸ Mohropa zydua chhao, theihthaipazy, Livai pathlazy, chhikao vaituhpazy, hlasathaipazy, Achhyna o chakaotuhpazy, Khazohpa ryhpa zyh awpa ta phopi hropazy tawhta a pananopa zydua, ama lapinôzy, ama sawchapawzy, ama sawchanôzy nata pahnona nata novâhna a hneipa zydua cha,

²⁹ ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

³⁰ “He râh liata a pahrâpa phopi hropazy cha eima sawchanôzy pahneisa leipa aw pi ta, eima sawchapawzy châta ama sawchanôzy hiah aw ma pi.

³¹ He râh liata a pahrâ phopi hropazy ta Pahânoh ta hmobaoh nata sâh zy vaw phaoh ei sala, ama zuah khiahta cha, Pahânoh liata tlyma, noh pathaihpa noh liata tlyma cha, âmo tawhta chalei aw ma pi. Kô sarina liata cha, lyu liata chi cheih leipa aw pi ta, leih miah a bâhpazy eimâ ngiahthai khai aw.

³² “Eima Khazohpa o liata chakaona châta, kô chareih ta tâkâ sekel su thôh su kha thyu awpa ta, keimosasyh ta maophaohna eimâ pie.

³³ Cha thyunazy cha, tlâhkhai liata viahchhâ chaluahpa tao nawpa châta zy, niepa hlâna nata raopa hlâna hlâ tyhpa châta zy, Pahânoh ta hmohlâpa châta zy, thla thieh kyhchhi châta zy, daihti eihpa kyhchhi châta zy, hmo pathaihpa châta zy, Izarei sawzy chatlaina moleina hlâna nata eima Khazohpa o liata rai zydua hria nawpa châta hmâpa a châ aw.

³⁴ Keimo, theihthaipazy, Livai pathlazy nata zawpizy ta tho hlâ awpa ta nuby a dao pi ta. Ryhpa liata ropa hawhta, Abeipa eima Khazohpa maisâh liata ti awpa ta, thozy cha kô chareih daihti raopa liata, a chhôh chhôh ta eima Khazohpa o lâ eima vaw chei lymâ aw.

³⁵ Kô chareih eima chhaohlei a pathei tuapazy nata tho thei a pathei tuapa maih Abeipa o lâ eima cheih lymâ aw.

³⁶ Ryhpa liata ropa hawhta, eima sawchapaw uhtheipazy, eima sahroh a pataw tuapazy, eima viahchao hri nata mietaku zaw hry ta a pataw tuapazy cha, eima Khazohpa o liata chakaotuhpa theihthaipazy pie awpa ta, eima Khazohpa o lâ eimâ chhi tyh aw.

³⁷ Viahchhâ eima tao tuapazy, eima thyunazy, theilâpa to, kresawhti nata sathaw zy eima Khazohpa o chhôhpadâhpa liata theihthaipazy lâ cheih tyh aw pi ta, eima chhaohlei patheipa su hrawh su kha chhao Livai pathlazy eima pie lymâ aw, Livai pathlazy cha eima raihriana khi to liata su hrawh su kha a pakhytuhpazy ama châpa vâta.

³⁸ Livai pathlazy ta su hrawh su kha ama dao nota, Arawna pathla theihthaipa cha Livai pathlazy hnohta a y awpa a châ. Su hrawh su kha liata su hrawh su kha pachhuahpa cha, Livai pathlazy ta eima Khazohpa o liata sôh sona chhôhpadâhpa liata ama soh lymâ aw.

³⁹ Sâh, kresawhti nata sathaw thyupazy cha, Izarei sawzy nata Livai pathlazy ta supathaihpa hmobaoh sona, chakaotuhpa theihthaipazy, chhikao vaituhpazy nata hlasathaipazy yna chhôh­padâhpa liata ama soh lymâ aw. Eima Khazohpa o cha uasa leipa ta y aw ma pi,” tahpa ta bie amâ taih.