MALUHREINA 7 - Mara Bible RV (BSI)

Maisâh pananona châta hlânazy

¹ Mawsi ta achhyna byureih a padua khai nahta, a hmobaoh zydua chhaota sathawthupa ta pathaisa ta. Maisâh nata a beiphiah zydua chhao sathawthupa ta a pathaisa.

² Chatawhcha Izarei chhituhpazy ta hmohlâpa hlâ ei ta. Âmo cha Izarei chi nata pho maluh reipazy chô liata chhituhpazy ama châ.

³ Abeipa hmiakô liata ama hmohlâpazy vaw cheih ei ta. Chhituhpa pano liata talailih chô khupa miakha lymâ nata chhituhpa pakha ta viahchao tôhpa pô kha lymâ ta, talailih mia charu nata viahchao tôhpa pô hrawh hleino achhyna byureih hmiakô liata ama hlâ.

⁴ Abeipa ta Mawsi hnohta,

⁵ “Ama hmohlâpazy kha a hlâh mah y. Ahmaohna poh o raihria châta ama phahnai aw. Livai pathlazy hnohta ama chakaona raihria yzie lymâ hawhta hmâ awpa ta na pie aw ei,” tah ta.

⁶ Mawsi ta talailih nata viahchao tôhpazy cha la ta, Livai pathlazy pie ta.

⁷ Kesao pathlazy hnohta ama raihria yzie lymâ hawhta, talailih miano nata viahchao tôhpa pô palih pie ta.

⁸ Merâri pathlazy hnohta ama raihria yzie lymâ hawhta, talailih miapalih nata viahchao tôhpa pô charie pie ta. Âmo cha theihthaipa Arawna sawchapawpa Ithamâ chhihthana ry liata a sie awpa ama châ.

⁹ Kôhâ pathlazy deikua cha, hmo pathaihpazy mohôhna chakaona raihria ama tovyuh châ ta, hmo pathaihpazy a sy awpa ama châpa vâta, talailih nata viahchao tôhpazy pie vei.

¹⁰ Maisâh sathawthu noh liata, chhituhpazy ta maisâh hlâna châta hmohlâpazy hlâ ei ta. Chhituhpazy ta ama hmohlâpazy cha maisâh hmiakô liata ama hlâ.

¹¹ Abeipa ta Mawsi hnohta, “Noh kha ta chhituhpa pakha lymâ ta Maisâh hlâna châta ama hmohlâpazy ama hlâ awpa a châ,” tah ta.

¹² Noh khana noh liata hmohlâpa a hlâpa cha, Zudâh chi Aminadâ sawchapawpa Nasô a châ.

¹³ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

¹⁴ ropahâhpa ta pabiepa ngôh phiahthla sekel miahrawh a hripa miakha;

¹⁵ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

¹⁶ moleina hlâna châta mie tôhpa pô kha;

¹⁷ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Aminadâ sawchapawpa Nasô hmohlâpazy a châ.

¹⁸ Noh nona liata Iskâra chi chhituhpa Zuâ sawchapawpa Nethane ta hlâ ta.

¹⁹ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

²⁰ ropahâhpa ta pabiepa ngôh phiahthla sekel miahrawh a hripa miakha;

²¹ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

²² moleina hlâna châta mie tôhpa pô kha;

²³ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Zuâ sawchapawpa Nethane hmohlâpazy a châ.

²⁴ Noh thôhna liata Zebulawna pathlazy chhituhpa Helô sawchapawpa Eliabâ ta hlâ ta.

²⁵ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

²⁶ ropahâhpa ta pabiepa ngôh phiahthla sekel miahrawh a hripa miakha;

²⁷ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

²⁸ moleina hlâna châta mie tôhpa pô kha;

²⁹ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Helô sawchapawpa Eliabâ hmohlâpazy a châ.

³⁰ Noh palihna liata Rubena pathlazy chhituhpa Seidia sawchapawpa Elizu ta hlâ ta.

³¹ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

³² ropahâhpa ta pabiepa ngôh phiahthla sekel miahrawh a hripa miakha;

³³ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

³⁴ moleina hlâna châta mie tôhpa pô kha;

³⁵ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Seidia sawchapawpa Elizu hmohlâpazy a châ.

³⁶ Noh pangawhna liata Simeôna pathlazy chhituhpa Zurisadai sawchapawpa Selumie ta hlâ ta.

³⁷ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

³⁸ ropahâhpa ta pabiepa ngôh phiahthla sekel miahrawh a hripa miakha;

³⁹ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁴⁰ moleina hlâna châta mie tôhpa pô kha;

⁴¹ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Zurisadai sawchapawpa Selumie hmohlâpazy a châ.

⁴² Noh charuna liata Kâdâ pathlazy chhituhpa Due sawchapawpa Eliasaphâ ta hlâ ta.

⁴³ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁴⁴ ropahâhpa ta pabiepa ngôh phiahthla sekel miahrawh a hripa miakha;

⁴⁵ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁴⁶ moleina hlâna châta mie tôhpa pô kha;

⁴⁷ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Due sawchapawpa Eliasaphâ hmohlâpazy a châ.

⁴⁸ Noh sarina liata Epharai pathlazy chhituhpa Amihu sawchapawpa Elisâmâ ta hlâ ta.

⁴⁹ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁵⁰ ropahâhpa ta pabiepa ngôh phiahthla sekel miahrawh a hripa miakha;

⁵¹ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁵² moleina hlâna châta mie tôhpa pô kha;

⁵³ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Amihu sawchapawpa Elisâmâ hmohlâpazy a châ.

⁵⁴ Noh chariena liata Manase pathlazy chhituhpa Pedazu sawchapawpa Kâmalia ta hlâ ta.

⁵⁵ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁵⁶ ropahâhpa ta pabiepa ngôh phiahthla sekel miahrawh a hripa miakha;

⁵⁷ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁵⁸ moleina hlâna châta mie tôhpa pô kha;

⁵⁹ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh zy a châ. Chazy cha Pedazu sawchapawpa Kâmalia hmohlâpazy a châ.

⁶⁰ Noh chakina liata Benzami pathlazy chhituhpa Kidiôni sawchapawpa Abidanâ ta hlâ ta.

⁶¹ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁶² ropahâhpa ta pabiepa ngôh phiahthla sekel miahrawh a hripa miakha;

⁶³ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁶⁴ moleina hlâna châta mie tôhpa pô kha;

⁶⁵ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Kidiôni sawchapawpa Abidanâ hmohlâpazy a châ.

⁶⁶ Noh hrawhna liata Dânâ pathlazy chhituhpa Amisadai sawchapawpa Ahieze ta hlâ ta.

⁶⁷ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁶⁸ ropahâhpa ta pabiepa ngôh phiahthla sekel miahrawh a hripa miakha;

⁶⁹ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁷⁰ moleina hlâna châta mie tôhpa pô kha;

⁷¹ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Amisadai sawchapawpa Ahieze hmohlâpazy a châ.

⁷² Noh hrawh hleikhana liata Asera pathlazy chhituhpa Okarâ sawchapawpa Pâkie ta hlâ ta.

⁷³ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁷⁴ ropahâhpa ta pabiepa ngôh phiahthla sekel miahrawh a hripa miakha;

⁷⁵ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁷⁶ moleina hlâna châta mie tôhpa pô kha;

⁷⁷ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Okarâ sawchapawpa Pâkie hmohlâpazy cha a châ.

⁷⁸ Noh hrawh hleinona liata Nâthalai pathlazy chhituhpa Enâ sawchapawpa Ahirâ ta hlâ ta.

⁷⁹ A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

⁸⁰ ropahâhpa ta pabiepa ngôh phiahthla sekel miahrawh a hripa miakha;

⁸¹ raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

⁸² moleina hlâna châta mie tôhpa pô kha;

⁸³ aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Enâ sawchapawpa Ahirâ hmohlâpazy a châ.

⁸⁴ Hezy he maisâh sathawthu noh liata Izarei chhituhpazy ta maisâh châta ama hmohlâpazy a châ: Tâkâ beikoh mia hrawh hleino, tâkâ biebuh mia hrawh hleino, ngôh phiahthla mia hrawh hleino ama hlâ.

⁸⁵ Tâkâ beikoh cha sekel 130 a hri ta, biebuh cha sekel sysari â hri. Tâkâ hmobaoh zydua cha supathaihpa sekel reizie ta reipa ta, sekel 2,400 a châ.

⁸⁶ Ropahâhpa ta pabiepa ngôh phiahthla mia hrawh hleino cha, supathaihpa sekel reizie ta reipa ta, sekel miahrawh a hripa sai châ ta, ngôh phiahthlazy cha a zydua ta sekel 120 a châ.

⁸⁷ Niepa hlâna chhaota hlâpa raopa hlâna zydua cha, viahchao tôhpa pô hrawh hleino, mietaku tôhpa pô hrawh hleino nata mietakutaw chapawpa kô khapa pô hrawh hleino châ ta, moleina hlâna atheihna châta mie tôhpa pô hrawh hleino hlâpa a châ.

⁸⁸ Aryhna hlâna atheihna châta hmohlâpa cha a zydua ta viahchao tôhpa pô kih nata pô palih, mietaku tôhpa sycharu, mie tôhpa sycharu nata mietakutaw chapawpa kô khapa sycharu a châ. Chazy cha maisâh sathawthupa a châ khai tawhta maisâh hlâna hmopiepazy a châ.

⁸⁹ Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.