HÔSIA 6 - Mara Bible RV (BSI)

Izarei nata Zudâh ro khoh veih ei

¹ “A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

² Noh no khai tawhta miah pahrapa ta, Noh thôhna noh ta miah pathyu aw ta, A hmiakô liata eima hroh aw.

³ Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

⁴ Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

⁵ Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

⁶ Atheihna khoh leipa na ta, Ngiachhiena ei khoh; Raopa hlâna châ leipa ta, Khazohpa pahnona ei khoh.

⁷ Âdâh hawhta biehraina parao ei ta, Cha liata eina dôvei ei.

⁸ Kilia cha hmoparaopazy khihpi châ ta, Thisaih lona ta a bie.

⁹ Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

¹⁰ Izarei o liata hmo chhiepa ei hmô; Cha liata Epharai ta sihryh ta, Izarei ta anosasyh â papuapalei.

¹¹ Hy Zudâh y, ei phopi vânoh ei patosa heih tita, Nâma châta chhao sâh hria daihti raopa a châ.