HLAZY 70 - Mara Bible RV (BSI)Hawh lei awpa ta thlahchhâna ( Hla 40.13-17 ) Hla chhituhpa châta: Dâvi Hla. Atheithlâhna hla. 1 Hy Khazohpa, na pachha awpa ta a para la, Hy Abeipa, thlai na pachha mah y! 2 Ei hrona pahlei a chhuapazy cha, Nozapa nata noraihpa ta y ei sala, Ei hmahphaona liata a lypazy cha, Nohzaopa ta kua mawh ei sy! 3 “Khawh, khawh!” a tatuhpazy cha, Hmiachhiepa ta a lie mawh ei sy. 4 Châ tluatuhpa zydua cha, Nâma liata a lypa ta ama thapha sala, Na pachhana a pasôtuhpazy ta, “Khazohpa cha a rônah na,” tah mawh ei sy! 5 Kei deikua cha dyhchhiepa nata phahlapa châ na ta, Hy Khazohpa, kei lâ a vy para mah y! Nâ baotuhpa nata nâ pachhatuhpa châ chi ta, Hy Abeipa, hawh khah y! |