Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

HLAZY 63 - Mara Bible RV (BSI)


Khazohpa vâna hro
Dâvi Hla. Zudâh râhchawhpa liata a y nota a phipa

1 Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

2 Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

3 Na ngâchhihna cha hrona hlâta pha via ta, Ei hmaozy ta a cha reithai aw.

4 Ei hro chhôh zydua ta cha reithai aw na ta, Na moh ta ei kuzy ei chaluah aw.

5 Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.

6 Ei rakhô chô liata châ thei na ta, Zâ vaina daihtizy liata na thâtih ei pachâ tyh.

7 Nâ cha nâ baotuhpa châ chi ta, Na mathlaw nohdi ry liata alyna hla ei sa aw.

8 Ei hro ta khâchâ cha patu ta, Na ku chachâh lâta eina cha-ao chi.

9 Ei hrona pahlei a chhuapazy deikua cha, Alei su ry chaipazy lâ ama zu aw.

10 Zaozi hmotaotheina liata hlâpa châ aw ei ta, Changiezy tovyuh ama châ aw.

11 Abei deikua cha Khazohpa liata a ly aw ta, Khazohpa moh ta bie a taihpa zydua cha thaphapa ta y aw ei ta, Haipa bie a reihpa hmaozy deikua cha pamaipa a châ aw.

The Bible Society of India

© 2023, Used by permission. All rights reserved.

Bible Society of India
ကြှနျုပျတို့နောကျလိုကျပါ:



ကြော်ငြာတွေ