HLAZY 61 - Mara Bible RV (BSI)Khazohpa pabohsana ngâna Hla chhituhpa châta: Pyungiapa ri chhaopa ta sa awpa. Dâvi Hla 1 Hy Khazohpa, ei awna he thei la, Ei thlahchhâna he nathlie mah y. 2 Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y. 3 Nâ cha ei chhaina châ chi ta, Chariahpa tawhta ei bohna thokhy na châ. 4 Na poh o liata chhâzaw ta na paysa la, Na mathlaw ry achhaina su liata na pabohsa mah y! Selah 5 Hy Khazohpa, ei bietaizy thei ha chi ta, Na moh a chituhpazy ryuto eina patosa ha chi. 6 Abei hro he pasisa la, Chhâ zydua taihta a kô pasisa mah y! 7 Khazohpa hmiakô liata tlyzaw ta a bei sala, Ngâchhihna nata biehmeiseihpa cha, Ano hrôbiehtuhpa ta raopa mah y! 8 Chatanachata na moh reithaina hla sa aw na ta, Ei bietaizy noh chareih ei patlô aw. |