Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

HLAZY 49 - Mara Bible RV (BSI)


Hneirôna liata a pahniehpa pha leizie
Hla chhituhpa châta: Kôrâ Sawchapawzy Hla

1 Phopizy saih u, He he thei u la; Khizaw chyhsa zydua saih u, Nah pachôh teh u.

2 Molai mochyh, dyhpha dyhchhie, Nah pachôh khai teh u!

3 Ei pakah ta sona bie reih aw ta, Ei palôh pachâpa cha novâhna bie a châ aw.

4 Bieso lâ ei nah pachôh aw na ta, Ei bie khiakhipa totâ ta ei chhopasia aw.

5 Khazia nôpona daihti liata chi aw na ta, Moleipazy dôveina ta eina chadô tita ei chi aw?

6 Khazia ama hneina a ngâchhâ ei ta, Ama hnei thluna a palaikheipazy ei chi aw ei?

7 Chyhsapa ta chyhsa hropa chatlai thei leipa ta, A hrona ty Khazohpa hnohta pie khai thei hra vei.

8 Ama hro chatlaina ty cha ru tu ha ta, Sôh ta chatlai thei awpa châ vei.

9 Chhâzaw ta hroh ta, Thlâkhaoh hmô beih lei awpa ta ma â pachâ tly?

10 He he chyhsa to pahnopa a châ: Chyhsa sopazy chhao thi ei ta, Ahrupa nata angâpa leidia raihrie ei ta, Ama sôh mohropazy châta ama siesai tyh.

11 Ama moh ta râh mohzy bi hra ei sala, Ama chhâzaw o cha ama thlâzy châ ta, Chhâ zydua ta ama pahrâ nawpa su a châ.

12 Chyhsapa cha hneirôh kaw hra sala, Chhâzaw ta y thlâh ha aw vei; Sazy hawhta a thi hra aw.

13 He he hru riahphapazy lâpi châ ta, Ama biereipa a pyhtuhpa nata a zituhpazy tovyuh a châ. Selah

14 Mietakuzy hawhta Athihkhih châta raopa châ ei ta, Thina cha âmo vaituhpa châ aw ta, Chyhsa dopazy ta my ta ama chô liata ryu ama reih aw. Ama o rônahpazy siesai aw ei ta, Athihkhih ta ama piziezy a parao khai ha aw.

15 Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

16 Chyhsa a vaw hneirôh tita ngiaroh leipa la, A o a rônah via rilipa chhao ta chi khah y.

17 A thi tita khâpa hmah a phao thei tlôh leipa aw ta, A rônahna ta ano cha zi aw vei.

18 A hro nota byhnâ a topa hawhta â pachâ hra sala, Thlaochhipa ta na y nota chyhsazy ta cha reithai hra ei sala,

19 Ano pathlatuhpa chhâ hnohta a pahlyh aw ta, Khaihna hmô heih beih khao aw vei.

20 Chyhsapa cha hneirôh kaw hra sala, Novâhna a hnei vei khiahta cha, Sazy thipa hawhta a thi tyh.

The Bible Society of India

© 2023, Used by permission. All rights reserved.

Bible Society of India
ကြှနျုပျတို့နောကျလိုကျပါ:



ကြော်ငြာတွေ