HLAZY 43 - Mara Bible RV (BSI)Khaihna nata biehmeiseihpa 1 Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y! 2 Nâ cha ei bohna Khazohpa châ tlôh chi ta, Khazia eina dytha chi tly? Chariahpa tlybaina vâta, Khazia mâchhiesapa ta ei khie aw tly? 3 Na khaihna nata na biehmeiseihpa vaw tuah la, Chazy chata nâ chhi mawh ei sy! Na tlâh pathaihpa lâ nâ chhi ei sala, Na pahrâna su lâ nâ chhi mawh ei sy! 4 Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw. 5 Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw. |