HLAZY 41 - Mara Bible RV (BSI)

Tlâhna châta thlahchhâna

Hla chhituhpa châta: Dâvi Hla

¹ Dyhchhiepazy a pachâtuhpa cha a nohlao na! Nôpona noh liata Abeipa ta ano cha pachha ta,

² Abeipa ta vaih ta a pahro. Alei liana heta nohlaopa tah ei ta, A chariahpazy khozie ta ano cha hlâ va chi.

³ A pasana rakhô liata Abeipa ta tha patlô ta, A tlâhleina tawhta liahsa a patlâh haw.

⁴ “Hy Abeipa, zawh nâ ngiah la, Na chô liata vaw molei ha na ta, Rie na patlâh mah y!” tah na ta.

⁵ Ei chariahpazy ta na reipachhie ei ta, “Khati ta thi aw ta, a moh a lei aw tly?” ama tah.

⁶ Nâ hmô awpa ta a vypazy ta bie thuthâ leipa sai reih ei ta, Ama palôh ta moleina pachôpakhy ei ta, Pua ei ta, ama pathâhsa tyh.

⁷ Nâ haotuhpa zydua ta kâhso ta ei kyh reih khoh ei ta, Ei chhie nawpa ama patuapalua tyh.

⁸ “Hri chichhihpa ta patu ha ta, Â ziana tawhta thyu heih khao aw vei,” ama tah.

⁹ Viasa lôhkhy ei ngâpa, Ei pati a niepa taihta, A phei eina thuah thlu.

¹⁰ Châhrasala Hy Abeipa, zawh nâ ngiah la, Viari ei thô thei nawpa ei ta, Na pathyu heih mah y!

¹¹ Cha liana chata ei chô liata nâ ly tahpa pahno aw na ta, Ei chariahpazy ta pahniena hladyuh na pathluah chie aw veih ei.

¹² Ei dona vâta nâ duakhei chi ta, Na hmiakô liata khâ eina paysa chi.

¹³ Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!