HLAZY 32 - Mara Bible RV (BSI)

Angiahthaipazy byhnâ

Dâvi Hla. Maskili ao ta sa awpa

¹ A paraona a ngiahthaipa ta y ta, A moleina khupa ta a ypa cha a nohlao na.

² Abeipa ta thailei pachâsa leipa ta, A hro liata haidihaiduana a y leipa chyhsa cha a nohlao na.

³ Ei moleina palâhâh leipa ta ei y nota, Noh y ta a hrô na ta, Ei ruzy a pasa khai ha tyh.

⁴ Chhô nah zâ ta na ku ta na vi ta, Châhvâ nokâh ta ti a pakuapa hawhta, Ei thatlôna a kua haw. Selah

⁵ Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

⁶ Chavâta hmô thei awpa ta na y nota, Khazohpa a pachâpa maihta nâ lâta thlahchhâ mawh ei sy; Tisaih tlô hra sala, Ano cha vao aw vei.

⁷ Nâ cha ei nyuna su châ chi ta, Nôpona tawhta na pabohsapa ta, Pachhana hlazy ta eina chadôsa chi. Selah

⁸ “Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.

⁹ Novâhna a hnei leipa arâ tlyma, sabaitu hawhta tlyma y khuh vy; Chazy cha chhâri pabaw awpa amâ ngiah tyh, Chataleipatala nama kiapâh liata y aw veih ei.”

¹⁰ Hmoparaopa châta pachârôh nawpa hluhpi y ta, Abeipa a ngâtuhpa deikua cha zawngiahna ta a chadô aw.

¹¹ Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!