HLAZY 3 - Mara Bible RV (BSI)

Khazohpa pachhana châta thlahchhâna

A sawchapawpa Absalaw tawhta â râ nota Dâvi Hla

¹ Hy Abeipa, nâ dyuhtuhpazy ama hluh kaw dia! Chyhsa hluhpi ta na thyuhnao ei ta,

² Chyhsa hluhpi ta ei hro kyh reih ei ta, “Khazohpa ta pachha aw vei,” ama tah. Selah

³ Châhrasala Hy Abeipa, Nâ cha ei vyhphao châ chi ta, Ei rônahna nata ei luh nâ chalotuhpa na châ.

⁴ A paropa ta Abeipa aw na ta, A tlâh pathaihpa tawhta einâ vaw chhy. Selah

⁵ Abeipa ta ei hrona a pabohsapa vâta, A ziapa ta a mô na ta, Ei kaw hra heih tyh.

⁶ Chyhsa sâh hluhpi ta na dôh hra ei sala, Chi aw va na.

⁷ Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.

⁸ Pachhana cha Abeipa eih châ ta, Na byhnâ na chyhsazy chô liata y mawh sy! Selah