Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

HLAZY 25 - Mara Bible RV (BSI)


Na lâpizy na pachu mah y
Dâvi Hla

1 Hy Abeipa, nâma liata ei hro tha a patlô na ta,

2 Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

3 Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

4 Hy Abeipa, na lâpizy na pahnosa la, Na lâthlôhzy na pachu mah y.

5 Na biehmeiseihpa liata nâ chhi la, Na pachu mah y; Ei pachhana Khazohpa châ chi ta, Noh y ta nâ ei cha hâ.

6 Hy Abeipa, na zawngiahna a thei la, Na ngâchhihna a thei mah y; Hlâno tawhta a y hapa châ tlôh ei ta.

7 Ei thyutlia nota moleina nata paraonazy a thei leipa la, Na ngâchhihna vâta nâ thei la, Hy Abeipa, na phana vâta nâ thei mah y!

8 Abeipa cha aphapa nata adopa châ ta, Chavâta moleipazy lâpi a pahmô tyh ei.

9 Areisipa cha adona liata chhihtha ta, Abeipa lâpi a pachu tyh.

10 A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

11 Hy Abeipa, ei moleinazy hluh hra sala, Na moh vâta rie nâ ngiahthai mah y.

12 Abeipa a chipa chyhsa cha ahy ma a châ? Cha chyhsa cha lâpi â chhih awpa a pahmô aw.

13 A hro a ly aw ta, A chipathla ta râh ryu a to aw.

14 Abeipa aviasana cha ano a chituhpazy châta châ ta, A biehrai a pahnosa tyh ei.

15 Ei mozy heta Abeipa lâ khâ moh ta, Abeipa ta ei pheizy he sao tawhta â daophi aw.

16 Kei lâ a vaw heih la, na ngiachhie mah y, Yrupa nata pasataopa ta ei y hih.

17 Ei palôh nôponazy pôh via rili ta, Ei pachârôhna tawhta na thaoh papua mah y.

18 Ei pasataona nata nôpona he pachâ la, Ei moleina zydua nâ ngiahthai mah y.

19 Nâ chariahpazy ama hluhzie he pachâ la, Thata einâ haonazie ei he pachâ tua.

20 Ei hrona he vaih la, Na pachha mah y; Maophyuhpa ta na paysa khah y, Nâma châ chhaipa ei châ hih.

21 Nâma châ hâpa ei châpa vâta, Adona nata ngâchhihna ta na pabohsa mawh sy.

22 Hy Khazohpa, Izarei he chatlai la, A nôpona zydua tawhta chatlai mah y.

The Bible Society of India

© 2023, Used by permission. All rights reserved.

Bible Society of India
ကြှနျုပျတို့နောကျလိုကျပါ:



ကြော်ငြာတွေ