HLAZY 20 - Mara Bible RV (BSI)Pahniena châta thlahchhâna Hla chhituhpa châta: Dâvi Hla 1 Nôpona noh liata Abeipa ta châ chhy sala, Zakaw Khazohpa moh ta cha pabohsa mawh sy! 2 Su pathaihpa tawhta baona cha vaw tuapa sala, Zaio tawhta tha cha patlô mawh sy! 3 Na hmohlâpazy a thei sala, Na raopa hlâna liata a ly mawh sy! 4 Na palôh khopa cha pie sala, Nâ chhuahna zydua hlao cha patloh mawh sy! 5 Na pachhana liata a lypa ta awh sih la, Eima Khazohpa moh ta pahniena pohrai chaluahpa ta, Abeipa ta na hiapa zydua hlao cha patloh mawh sy! 6 Tahmâ Abeipa ta a sathawthupa a pachha tahpa ei pahno haw; A vâ pathaihpa tawhta a zâ chhy aw ta, A ku chachâh lâta pachhana thatlôna ta a zâ chhy aw. 7 Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ. 8 Âmo cha a hluah ei ta ama pao, Keimo deikua cha thyu pi ta â ipa ta eima duah. 9 Hy Abeipa, abei he pachha la, Eima cha aw tita miah a chhy mah y. |