HLAZY 14 - Mara Bible RV (BSI)

Ahrupa ta Khazohpa y vei a tah

Hla chhituhpa châta: Dâvi Hla

¹ Ahrupa ta ama palôh liata, “Khazohpa y vei,” a tah tyh. Avyuhna tao ei ta, Hmo pasichhihpazy tao ei ta, Hmo pha a taopa rai y veih ei.

² Abeipa ta vârâh tawhta chyhsa sawzy za sai ta, Novâhna hneipa ta, Khazohpa a tluapa ama y ma tahpa a za moh tyh.

³ Pavia khai ha ei ta, Avyuhna liata amâ ngia khai haw; Hmo pha a taopa rai y veih ei, Pakha hmah y veih ei.

⁴ Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

⁵ Khazohpa cha mosiapazy hry liata a pahlao tlôh ta, Chavâta hmoparaopazy cha, cha liata chi ngaitapa ta ama y.

⁶ Dyhchhiepa achhuahna pachhiepahru ei chi ta, Châhrasala Abeipa cha â bohna châ tlôh ta.

⁷ Hy, Zaio tawhta Izarei pachhana vaw pua bâ sala ei tah kaw dia! Abeipa ta a phopi vânoh a patosa heih tita, Zakaw a ly sala, Izarei thaphapa ta y mawh sy.