Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

HLAZY 130 - Mara Bible RV (BSI)


Ei hro ta Abeipa a vâ
 sâh lâ kiana hla

1 Hy Abeipa, ti athupa tawhta ei cha pado!

2 Hy Abeipa, ei ao thei la, Ngiachhie ei châ hawna ao lâ he, Na nah vaw pachôh mah y!

3 Hy Abeipa, paraonazy a ngia khai hapa châ la, Hy Abeipa, ahy a duah thei aw?

4 Châhrasala chipa ta na y thei nawpa ta, Nâma liata ngiahthaina a y.

5 Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

6 Vaituhpazy ta khihdei ama hâpa hlâta tha via ta, A châ na, vaituhpazy ta khihdei ama hâpa hlâta tha viapa ta, Ei thlahpa ta ei Beipa cha a hâ.

7 Hy Izarei, Abeipa liata na hnabeiseihna y mawh sy! Abeipa cha a kyhpachâna a tleih beih leipa châ ta, Chatlaina hluhpi a hneipa a châ.

8 Izarei cha pachha aw ta, A moleina zydua tawhta a pachha aw.

The Bible Society of India

© 2023, Used by permission. All rights reserved.

Bible Society of India
ကြှနျုပျတို့နောကျလိုကျပါ:



ကြော်ငြာတွေ