HLAZY 126 - Mara Bible RV (BSI)Paduapathina châta thlahchhâna  sâh lâ kiana hla 1 Abeipa ta Zaio vânoh a patosa heih no kha, Ramâ lâta a hmôpazy hawh dei eima châ. 2 Cha nota eima pakah cha pahneina ta biepa ta, Eima paleih thaphapa ta awh ta, Phopizy ta, “Abeipa ta hmo rônahpa a taopa ei,” ama tah. 3 Abeipa ta hmo rônahpa miah taopa ta, Eimâ ly ngaita. 4 Hy Abeipa, Neke chavahzy hawhta, Vânoh miah patosa heih mah y! 5 Mothlih chhaota chi a tupazy cha, Thaphapa ta ama hria aw! 6 Chana chôta sâh chi a puakheipa cha, A sapiahzy cheipa ta thaphapa ta â di heih aw. |