HLAZY 120 - Mara Bible RV (BSI)

Pachhana châta thlah­chhâna

 sâh lâ kiana hla

¹ Ei nôpo nota Abeipa pado na ta, Ano ta einâ chhy.

² Hy Abeipa, hmao haihthaipazy tawhta na pachha la, Paleih dôthaipa tawhta na pachha mah y.

³ Nâ, paleih dôthaipa, Abeipa ta khâpa cha pie aw ta, Khâpa a cha taopa via aw?

⁴ Pasaipha châtai pazaopa ta cha hrie aw ta, Ôphi tho meihei kâ ngâpa ta a cha hrie aw.

⁵ Mese mo râh liata y na ta, Kedâ mo poh ozy hry liata pahrâpa cha, Ei hu a po kaw dia!

⁶ Adyhna a haopazy hry liata ei pahrâna daihti he, A vaw pasi tu ha na.

⁷ Kei cha adyhna a khohpa châ na ta, Châhrasala bie ei rei nahta, A dyuh awpa ama khoh ha tyh.