EZEKIA 15 - Mara Bible RV (BSI)

Zerusale kre zôh phahnai leipa

¹ Abeipa bie ei hnohta vaw tlô ta:

² “Chyhsa sawchapawpa y, kre zôh tho cha râhmâhpa liata tho chiahzy hlâta kheihawh ta ma a pha via tly?

³ Hmo phahnaipa tao nawpa ta, kre zôh tawhta kre tho lapa a châ beih ma? Hmo pangieh nawpa ta pâhchhô liata khai awpa ta kre tho chyhsa ta ama hmâh beih ma?

⁴ Moh teh, kre zôh cha mei pati nawpa châ deita ta hmâpa a châ. Mei ta a chao nata a luh kâ ta, a liah chhao a pa-u tyh. Phahnaina a hnei rai ma?

⁵ Pachâ tua, â bohpa ta a y no hmahta phahnaina hnei leipa ta, mei ta kâ ta, a pa-u ha tawhta chhochhi cha, phahnaina a hnei lei via pachai aw dia!

⁶ “Chavâta Abeipa Zehôvâh ta hetana heta a tah: Râhmâhpa thozy hry liata, kre zôh cha mei liata ei ti hapa hawhta, Zerusale khihsawzy chhao ei tao aw ei.

⁷ Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

⁸ Ama ngâchhih leina vâta, râh cha roryhrapa ta ei tao aw, Abeipa Zehôvâh ta a tah.”