1 THÂTIHZYRONA 8 - Mara Bible RV (BSI)

Benzami pathlazy

¹ Benzami ta a sawchapaw uhtheipa Belâ sa ta, panona Asabe, pathôhna Aharâh,

² papalihna Nohâh, papangawhna Râhpha zy sa ta.

³ Belâ sawchapawzy cha Adarâ, Kerâ, Abihu,

⁴ Abisua, Nâmâ, Ahôh,

⁵ Kerâ, Sephupha nata Hurâ zy ama châ.

⁶ Hezy he Ehu pathlazy ama châ. Âmo cha Kebâ liata a pahrâpa ama pathla pawhrâhpazy châ ei ta, Mânahâ lâ sei ta a chhipazy ama châ.

⁷ Chazy cha Nâmâ, Ahiza nata Kerâ zy ama châ. Kerâ cha Uza nata Ahihu paw a châ.

⁸ Sâharai ta a lapinô Husi nata Bârâ zy a padisa tawhta, Môabâ râh liata sawzy sa ta.

⁹ A lapinô Hôde chô liata Zôbâ, Zibia, Mesâ, Malkâ,

¹⁰ Zuza, Sâchia nata Mimâh zy sa ta. Âmo cha Sâharai sawchapawzy châ ei ta, a chhôh chhôh ta pawhrâhpazy ama châ.

¹¹ Sâharai ta Husi chô lia chhao ta Abitu nata Elpâ sa ta.

¹² Elpâ sawchapawzy cha Ebe, Mismâ nata Seme zy châ ei ta, Seme he Ônô nata Lôdâ khihpizy nata ama khichapeihzy paduatuhpa a châ.

¹³ Elpâ ta Beriah nata Semâ zy sa ta, âmo cha Aizalô liata pahrâpa ama pathla pawhrâhpazy châ ei ta, Kâthâ mo a papuatuhpazy kha ama châ.

¹⁴ Ahiô, Sâsakâ nata Zeremô zy chhao Elpâ sawchapawzy ama châ.

¹⁵ Zebadiah, Aradâ, Ede,

¹⁶ Mikaila, Ispâ nata Zôha zy cha Beriah sawchapawzy ama châ.

¹⁷ Zebadiah, Mesulâ, Hizki, Hebe,

¹⁸ Ismerai, Izliah nata Zôbabi zy chhao Elpâ sawchapawzy ama châ.

¹⁹ Zaki, Zikari, Zabidi,

²⁰ Elienai, Zilethai, Elie,

²¹ Simei sawchapawzy cha Adiah, Berai nata Simrâ zy ama châ.

²² Ispâ, Ebe, Elie,

²³ Abadaw, Zikari, Hâna,

²⁴ Hânaniah, Elâmi, Anatothizah,

²⁵ Iphadiah nata Penia zy cha Sâsakâ sawchapawzy ama châ.

²⁶ Samserai, Sehariah, Athaliah,

²⁷ Zaresiah, Elaizâh nata Zikari zy cha Zerôhâ sawchapawzy ama châ.

²⁸ Âmo cha ama chhâ chyu liata ama pathla pawhrâhpazy châ ei ta, Zerusale liata a pahrâpazy ama châ.

Sawla thyutôna

²⁹ Kibiô mo pathlatuhpa Zeili cha Kibiô khihpi liata pahrâ ta, a lapinô moh cha Mâkâ a châ.

³⁰ A sawchapaw uhtheipa cha Abadaw châ ta, a pazipazy cha Zuri, Kisâ, Bâlâ, Nâdâ,

³¹ Kedaw, Ahiô, Zekhe nata

³² Simiah paw Mikalô zy ama châ. Âmo cha Zerusale khihpi liata ama unawhzy kiapâh liata ama unawhzy nata hmaohkha ta ama pahrâ.

³³ Nerâ ta Kisâ sa ta, Kisâ ta Sawla sa ta, Sawla ta Zawnathâ, Malkhisua, Abinadâ nata Esbâlâ zy sa ta.

³⁴ Zawnathâ sawchapawpa cha Meribâlâ châ ta, Meribâlâ ta Mikâ sa ta.

³⁵ Mikâ sawchapawzy cha Pithaw, Mele, Târia nata Ahâza zy ama châ.

³⁶ Ahâza ta Zehôadâh sa ta, Zehôadâh ta Aleme, Azamâve nata Zimri zy sa ta, Zimri ta Môza sa ta,

³⁷ Môza ta Binia sa ta, Binia ta Râphâ sa ta, Râphâ ta Eliasâ sa ta, Eliasâ ta Aze sa ta.

³⁸ Aze ta sawchapaw pacharu hnei ta, ama mohzy cha Azrikâ, Bôkeru, Ismela, Siariah, Ôbadia nata Hâna zy a châ. Cha zydua cha Aze sawcha­pawzy ama châ.

³⁹ A unawhpa Ese sawchapawzy cha, a sawchapaw uhtheipa Ulâ, panona Zeu nata pathôhna Eliphele zy ama châ.

⁴⁰ Ulâ sawchapawzy cha pasaipha thatlôpa nata likathaipazy châ ei ta, sawchapaw nata samoh hluhpi hnei ei ta, ama maluh 150 ama châ. Cha zydua cha Benzami pathlazy ama châ.