1 THÂTIHZYRONA 7 - Mara Bible RV (BSI)

Iskâra pathlazy

¹ Iskâra ta sawchapaw papalih, Tola, Puah, Zasu nata Simrô zy sa ta.

² Tola sawchapaw­zy cha Uzizi, Rephiah, Zerie, Zamai, Ibasâ nata Semuela zy châ ei ta, âmo he Tola pathla pawhrâhpazy ama châ. Ama chhâzy liata pasaiphazy châ ei ta, Dâvi abeina daihti liata maluh 22,600 ama y.

³ Uzizi sawchapawpa cha Izrâhia châ ta, Izrâhia sawchapawzy cha Mikaila, Ôbadia, Zôela nata Isiah zy châ ei ta, papangawh ama châ. Ama zydua ta ama pho pawhrâhpazy ama châ.

⁴ Lapinô hluhpi hnei ei ta sawchapaw hluhpi ama sapa vâta, ama pathlazy cha a chhâ chhâ ta reipa ta, adyuhna lâ a sie theipa pheisaih 36,000 ama y.

⁵ Thyutôna lâ tawhta a laichadaipa ta, Iskâra pathla pasaipha zydua cha maluh 87,000 ama châ.

Benzami pathlazy

⁶ Benzami ta sawchapaw pathôh, Belâ, Bekhe nata Zedia zy hnei ta.

⁷ Belâ sawchapawzy cha Ezbaw, Uzizi, Uzie, Zerimô nata Iri zy châ ei ta, papangawh ama châ. Âmo cha ama pathlazy pawhrâhpa nata pasaiphazy châ ei ta, thyutôna lâ tawhta a laichadaipa ta maluh 22,034 ama y.

⁸ Bekhe sawcha­pawzy cha Zemirâ, Zôasâ, Elieze, Eliônai, Ômri, Zeremô, Abiza, Anathô nata Aleme zy ama châ. Ama zydua ta Bekhe sawchapawzy ama châ.

⁹ Ama pathla pawhrâhpazy chhâ thyutôna a laichadaipa ta, pasaipha maluh 20,200 ama y.

¹⁰ Zedia sawchapawpa cha Bilhâ châ ta, Bilhâ sawchapawzy cha Zusi, Benzami, Ehu, Kenânâ, Zethâ, Tâsi nata Ahisahâ zy ama châ.

¹¹ Ama pathla pawhrâhpazy tawhta a laichadaipa ta, ama zydua ta Zedia pathlazy châ ei ta, adyuhna lâ a sie theipa pasaipha maluh 17,200 ama y.

¹² Iri sawchapawzy cha Supi nata Hupi châ ei ta, Ahe sawchapawpa cha Husi a châ.

Nâthalai pathlazy

¹³ Nâthalai sawchapawzy cha Zazie, Kuni, Zeze nata Sâluh zy châ ei ta, âmo cha Bilhâ pathlazy ama châ.

Manase pathlazy

¹⁴ Manase ta a nôtho Aramia zuah chô liata sawchapaw pano, Asrie nata Kilia paw Mâkhi sa ta.

¹⁵ Mâkhi ta Hupi nata Supi mo tawhta lapinô hnei ta. A sietanô moh cha Mâkâ a châ. Mâkhi pathla hropa moh cha Zelôphehâ châ ta, ano cha sawchanôzy dei a hnei.

¹⁶ Mâkhi lapinô Mâkâ ta sawchapaw­ sa ta, a moh Peresi a bi. Peresi unawhpa moh cha Seresi châ ta, Peresi sawchapawzy cha Ulâ nata Rake ama châ.

¹⁷ Ulâ sawchapawpa cha Bedâ a châ. Âmo cha Manase sawchapawpa Mâkhi sawchapawpa Kilia pathlazy ama châ.

¹⁸ Kilia sietanô Hâmôleke ta Isahô, Abieze nata Mâhlâ zy sa ta.

¹⁹ Semidâ sawchapawzy cha Ahiana, Sekhe, Likhi nata Ania zy ama châ.

Epharai pathlazy

²⁰ Epharai sawchapawpa cha Suthelâ châ ta, Suthelâ sawchapawpa cha Bere châ ta, Bere sawchapawpa cha Tahâ châ ta, Tahâ sawchapawpa cha Eliadâh châ ta, Eliadâh sawchapawpa cha Tahâ châ ta,

²¹ Tahâ sawchapawpa cha Zabâdi cha ta, Zabâdi sawchapawpa cha Suthelâ a châ. Epharai sawchapaw hropa Eze nata Elia zy cha, cha râh liata a pahrâpa Kâthâ khihsawzy ta ama sahroh zaw paru awpa ta a zu ei ta ama thie haw.

²² Ama paw Epharai cha noh hluhpi mâchhiesa ta, a unawhzy ano lâ sie ei ta, a thlah ama kei palôh.

²³ Epharai cha a lapinô lâ a ngia ta, saw phaoh ta, sawchapaw sa ta, ama ochhôh chhiena ta a tla thlupa vâta, a moh Beriah a bi.

²⁴ A sawchanô moh cha Serâ châ ta, ano ta Behôrô mathi nata Behôrô machhua zy padua ta, Uzeserâ khihpi chhao a padua.

²⁵ Epharai sawchapaw hropa moh cha Repha châ ta, Repha sawchapawpa cha Resepha châ ta, Resepha sawchapawpa cha Telâ châ ta, Telâ sawchapawpa cha Tâhâ châ ta,

²⁶ Tâhâ sawchapawpa cha Lâdâ châ ta, Lâdâ sawchapawpa cha Amihu châ ta, Amihu sawchapawpa cha Elisâmâ châ ta,

²⁷ Elisâmâ sawchapawpa cha Nunâ châ ta, Nunâ sawchapawpa cha Zawsua a châ.

²⁸ Ama ryuto râh nata pahrânazy cha Bethel nata a khichapeihzy châ ta, nochhi lâta Nârâ, notla lâta Keze nata a khichapeihzy, Sekhe nata a khichapeihzy, Ai nata a khichapeihzy â hlao khai.

²⁹ Besai nata a khichapeihzy, Tânâ nata a khichapeihzy, Mekidô nata a khichapeihzy nata Daw nata a khichapeihzy chhao Manase pathlazy ryuto râh a châ hra. Cha suzy liata Izarei sawchapawpa Zawsi pathlazy ama pahrâ.

Asera pathlazy

³⁰ Asera sawchapawzy cha Imnâ, Isvâ, Isvi nata Beriah zy châ ei ta, ama sietanô cha Serâ a châ.

³¹ Beriah sawchapawzy cha Hebe nata Malkie châ ei ta, Malkie cha Bizai paw a châ.

³² Hebe ta Zaphâle, Sôme, Hôthâ nata ama sietanô Sua zy sa ta.

³³ Zaphâle sawchapawzy cha Pâsakâ, Bimhâ nata Asvâ zy ama châ. Âmo cha Zaphâle pathlazy ama châ.

³⁴ Seme sawchapawzy cha Ahi, Rôkâ, Zehubâ nata Aramia zy ama châ.

³⁵ A unawhpa Helema sawchapawzy cha Zôpha, Imnâ, Selesi nata Amâla zy ama châ.

³⁶ Zôpha sawchapaw­zy cha Suah, Hânephe, Suâ, Beri, Imrâh,

³⁷ Beze, Hôdâ, Salmâ, Silsâh, Itharâ nata Beerâ zy ama châ.

³⁸ Zethe sawchapawzy cha Zephune, Pispâ nata Arâ zy ama châ.

³⁹ Ulâ sawchapawzy cha Arâh, Hânie nata Rizia zy ama châ.

⁴⁰ Ama zydua ta Asera pathla pawhrâhpa nata pasaipha ta pahnopa hyutuh chaipazy ama châ. Thyutôna a laichadaipa ta, adyuhna lâ a sie theipa maluh ropazy cha 26,000 ama châ.