1 THÂTIHZYRONA 6 - Mara Bible RV (BSI)

Livai pathlazy

¹ Livai sawchapawzy cha Kesao, Kôhâ nata Merâri zy ama châ.

² Kôhâ sawchapawzy cha Amrâ, Iza, Hebraw nata Uzie zy ama châ.

³ Amrâ pathlazy cha Arawna, Mawsi nata Miria zy ama châ. Arawna sawchapawzy cha Nâdâ, Abihu, Eliaza nata Ithamâ zy ama châ.

⁴ Eliaza ta Phinehâ sa ta, Phinehâ ta Abisua sa ta,

⁵ Abisua ta Buki sa ta, Buki ta Uzizi sa ta,

⁶ Uzizi ta Zerahiah sa ta, Zerahiah ta Meraiô sa ta,

⁷ Meraiô ta Amaria sa ta, Amaria ta Ahitu sa ta,

⁸ Ahitu ta Zadô sa ta, Zadô ta Ahimazi sa ta,

⁹ Ahimazi ta Azariah sa ta, Azariah ta Zôhanâ sa ta,

¹⁰ Zôhanâ ta Azariah sa ta, ano cha Zerusale liata Sawlawmaw paduapa Achhyna o liata theihthaipa rai a hriapa a châ.

¹¹ Azariah ta Amaria sa ta, Amaria ta Ahitu sa ta,

¹² Ahitu ta Zadô sa ta, Zadô ta Sâluh sa ta,

¹³ Sâluh ta Hikia sa ta, Hikia ta Azariah sa ta,

¹⁴ Azariah ta Seriah sa ta, Seriah ta Zehôzadâ sa ta.

¹⁵ Abeipa ta Zudâh râh nata Zerusale khihpi Nebukaneza ku liata seichâna lâ a pasiesa nona khata, Zehôzadâ chhao sei­châna lâ a sie ha hra.

¹⁶ Livai sawchapawzy cha Kesao, Kôhâ nata Merâri zy ama châ.

¹⁷ Kesao sawchapawzy moh cha Libani nata Simei a châ.

¹⁸ Kôhâ sawchapawzy cha Amrâ, Iza, Hebraw nata Uzie zy ama châ.

¹⁹ Merâri sawchapawzy cha Mâhli nata Musi ama châ. Hezy he ama pathlatuhpazy tawhta a laichadaipa ta Livai phozy ama châ.

²⁰ Kesao sawchapawpa cha Libani châ ta, Libani sawchapawpa cha Zahâ châ ta, Zahâ sawchapawpa cha Zimâ châ ta,

²¹ Zimâ sawchapawpa cha Zôah châ ta, Zôah sawchapawpa cha Idô châ ta, Idô sawchapawpa cha Zerâ châ ta, Zerâ sawchapawpa cha Ziatherai a châ.

²² Hezy he Kôhâ pathlazy ama châ: Kôhâ sawchapawpa cha Aminadâ châ ta, Aminadâ sawchapawpa cha Kôrâ châ ta, Kôrâ sawchapawpa cha Asi châ ta,

²³ Asi sawchapawpa cha Elkânâ châ ta, Elkânâ sawchapawpa cha Ebiasâ châ ta, Ebiasâ sawchapawpa cha Asira châ ta,

²⁴ Asira sawchapawpa cha Tahâ châ ta. Tahâ sawchapawpa cha Urie châ ta, Urie sawchapawpa cha Uzia châ ta, Uzia sawchapawpa cha Sawla a châ.

²⁵ Elkânâ pathlazy cha Amasai nata Ahimô châ ei ta,

²⁶ Elkânâ sawchapawpa cha Zôphai châ ta, Zôphai sawchapawpa cha Nâhâ châ ta,

²⁷ Nâhâ sawchapawpa cha Eliabâ châ ta, Eliabâ sawchapawpa cha Zerôhâ châ ta, Zerôhâ sawchapawpa cha Elkânâ a châ.

²⁸ Samuela sawchapaw uhtheipa cha Zôela châ ta, panona cha Abizah a châ.

²⁹ Hezy he Merâri pathlazy ama châ: Merâri sawchapawpa cha Mâhli châ ta, Mâhli sawchapawpa cha Libani châ ta, Libani sawchapawpa cha Simei châ ta, Simei sawchapawpa cha Uza châ ta,

³⁰ Uza sawchapawpa cha Simia châ ta, Simia sawchapawpa cha Hâkiah châ ta, Hâkiah sawchapawpa cha Asiah a châ.

Abeipa o liata hla chhituhpazy

³¹ Hezy he Zerusale liata Byh â pahâ tawhta Abeipa o liata hla chhituhpazy châta Dâvi ta a raopa­zy ama châ.

³² Sawlawmaw ta Zerusale liata Abeipa Achhyna o a sa hlâta cha, ahmaohna poh o byureih liata hla sapa ta chakao tyh ei ta, taozie awpa raopa hawhta ama chakaona rai ama hria tyh.

³³ Hezy he hla chhihthana rai hriatuhpazy nata ama sawchapawzy ama châ. Hezy he Kôhâ pathlazy tawhta hla sa thaipazy ama châ. Hlasathaipa Hemâ cha Zôela sawchapawpa châ ta, Zôela paw cha Samuela châ ta,

³⁴ Samuela paw cha Elkânâ châ ta, Elkânâ paw cha Zerôhâ châ ta, Zerôhâ paw cha Elie châ ta, Elie paw cha Toâh châ ta,

³⁵ Toâh paw cha Zupha châ ta, Zupha paw cha Elkânâ châ ta, Elkânâ paw cha Mâhâ châ ta, Mâhâ paw cha Amasai châ ta,

³⁶ Amasai paw cha Elkânâ châ ta, Elkânâ paw cha Zôela châ ta, Zôela paw cha Azariah châ ta, Azariah paw cha Zephania châ ta,

³⁷ Zephania paw cha Tahâ châ ta, Tahâ paw cha Asi châ ta, Asi paw cha Ebiasâ châ ta, Ebiasâ paw cha Kôrâ châ ta,

³⁸ Kôrâ paw cha Izah châ ta, Izah paw cha Kôhâ châ ta, Kôhâ paw cha Livai châ ta, Livai paw cha Izarei a châ.

³⁹ Hlasathaipa Hemâ baotuhpa cha a unawhpa Asâpha châ ta, ano cha Hemâ chachâh lâta a duah tyhpa a châ. Asâpha paw cha Berekiah châ ta, Berekiah paw cha Simia châ ta,

⁴⁰ Simia paw cha Mikaila châ ta, Mikaila paw cha Bâsiah châ ta, Bâsiah paw cha Mâkia châ ta,

⁴¹ Mâkia paw cha Ethâni châ ta, Ethâni paw cha Zerâ châ ta, Zerâ paw cha Adiah châ ta,

⁴² Adiah paw cha Ethâ châ ta, Ethâ paw cha Zimâ châ ta, Zimâ paw cha Simei châ ta,

⁴³ Simei paw cha Zahâ châ ta, Zahâ paw cha Kesao châ ta, Kesao paw cha Livai a châ.

⁴⁴ Chavei lâta a duah tyhpa cha a unawhpa Merâri sawchapawpa Ethâ a châ. Ethâ paw cha Kisi châ ta, Kisi paw cha Abadi châ ta, Abadi paw cha Mâluh châ ta,

⁴⁵ Mâluh paw cha Hâsabiah châ ta, Hâsabiah paw cha Amazia châ ta, Amazia paw cha Hikia châ ta,

⁴⁶ Hikia paw cha Amazi châ ta, Amazi paw cha Bâni châ ta, Bâni paw cha Seme châ ta,

⁴⁷ Seme paw cha Mâhli châ ta, Mâhli paw cha Musi châ ta, Musi paw cha Merâri châ ta, Merâri paw cha Livai a châ.

⁴⁸ Ama unawhpa Livai chizy cha Khazohpa achhyna byureih chakaona raihria zydua hria awpa ta raopa ama châ.

Arawna pathlazy

⁴⁹ Arawna nata a pathlazy deikua cha­, Khazohpa chakaotuhpa Mawsi ta bie a vaw piepa zydua hawhta, Su Pathaih Chaipa raihria zydua hriapa ta, Izarei châta chatlaina tao awpa ta, raopa hlâna maisâh liata nata ropahâhpa hlâna maisâh liata atheihna hlâna chakaona rai a hriatuhpazy ama châ.

⁵⁰ Hezy he Arawna pathlazy ama châ: Arawna sawchapawpa Eliaza sawchapawpa cha Phinehâ châ ta, Phinehâ sawchapawpa cha Abisua châ ta,

⁵¹ Abisua sawchapawpa cha Buki châ ta, Buki sawchapawpa cha Uzizi châ ta, Uzizi sawchapawpa cha Zerahiah châ ta,

⁵² Zerahiah sawchapawpa cha Meraiô châ ta, Meraiô sawchapawpa cha Amaria châ ta, Amaria sawchapawpa cha Ahitu châ ta,

⁵³ Ahitu sawchapawpa cha Zadô châ ta, Zadô sawchapawpa cha Ahimazi a châ.

⁵⁴ Hezy he ama râh chhôh liata ama khihsa nawpa su pachhaihzie hawhta ama pahrâna suzy a châ: Nuby amâ daopa cha Arawna pathla Kôhâ phozy chô liata tlu tua chai ta,

⁵⁵ Zudâh râh liata Hebraw khihpi nata a chheipâh si panyuna suzy piepa ama châ.

⁵⁶ Khihpi lyuzy nata a khichapeihzy deikua Zephune sawchapawpa Kâlebâ piepa a châ.

⁵⁷ Arawna pathlazy cha Zudâh râh liata abohna khihpizy piepa châ ei ta, chazy cha Hebraw, Libnâ nata a chheipâh si panyuna suzy, Zati, Estemô nata a chheipâh si panyuna suzy,

⁵⁸ Hile nata a chheipâh si panyuna suzy, Debi nata a chheipâh si panyuna suzy,

⁵⁹ Asanâ nata a chheipâh si panyuna suzy nata Beseme nata a chheipâh si panyuna suzy a châ.

⁶⁰ Benzami chi râh tawhta Kibiô khihpi, Kebâ khihpi nata a chheipâh si panyuna suzy, Aleme khihpi nata a chheipâh si panyuna suzy nata Anathô khihpi nata a chheipâh si panyuna suzy piepa ama châ. Arawna pathla phozy châta khihpi piepa zydua cha khi hrawh hleithôh a châ.

⁶¹ Kôhâ pathla hropazy châta nuby a daopa châ ta, Manase chi khophie ryuto râh liata khih hrawh piepa ama châ.

⁶² Kesao pathlazy cha Iskâra chi ryuto râh, Asera chi ryuto râh, Nâthalai chi ryuto râh nata Bâsanâ liata Manase chi ryuto râhzy tawhta a pho pho ta khihpi miahrawh hleithôh piepa ama châ.

⁶³ Merâri pathlazy cha Rubena chi ryuto râh, Kâdâ chi ryuto râh nata Zebulawna chi ryuto râhzy tawhta, nuby a daopa ta a pho pho ta khih hrawh hleino piepa ama châ.

⁶⁴ Cha hawhna chata Izarei sawzy ta Livai chizy cha khihpizy nata a chheipâh si panyuna suzy pie ei ta.

⁶⁵ Zudâh chi ryuto râh, Simeôna chi ryuto râh nata Benzami chi ryuto râhzy tawhta khihpi moh palâsapazy he nuby a daopa ta piepa ama châ.

⁶⁶ Kôhâ pathla pho thokha cha Epharai mo ryuto râh liata khihpizy to ei ta.

⁶⁷ Abohna khihpizy piepa châ ei ta, chazy cha Epharai tlâh râh liata Sekhe nata a chheipâh si panyuna suzy, Keze nata a chheipâh si panyuna suzy,

⁶⁸ Zôkamia nata a chheipâh si panyuna suzy, Behôrô nata a chheipâh si panyuna suzy,

⁶⁹ Aizalô nata a chheipâh si panyuna suzy nata Kâtharimô nata a chheipâh si panyuna suzy piepa ama châ.

⁷⁰ Kôhâ pathla hropazy châta, Manase chi khophie ryuto râh liata Ane khihpi nata a chheipâh si panyuna suzy nata Bilia khihpi nata chhei­pâh si panyuna suzy ama pie.

⁷¹ Kesao pathlazy hnohta piepa khihpizy cha, Manase chi khophie ryuto râh Bâsanâ liata Kôlâ nata a chheipâh si panyuna suzy, Astarô nata a chheipâh si panyuna suzy;

⁷² Iskâra chi ryuto râh tawhta Kedesâ nata a chheipâh si panyuna suzy, Dâberâ nata a chheipâh si panyuna suzy,

⁷³ Ramô nata a chheipâh si panyuna suzy, Anemi nata a chheipâh si panyuna suzy;

⁷⁴ Asera chi ryuto râh liata Mâsalâ nata a chheipâh si panyuna suzy, Abadaw nata a chheipâh si panyuna suzy,

⁷⁵ Hukô nata a chheipâh si panyuna suzy, Rehô nata a chheipâh si panyuna suzy;

⁷⁶ Nâthalai chi ryuto râh liata Kâlili râh Kedesâ khihpi nata a chheipâh si panyuna suzy, Hâmô nata a chheipâh si panyuna suzy nata Kiriathai nata a chheipâh si panyuna suzy a châ.

⁷⁷ Merâri pathla hropazy hnohta Zebulawna chi ryuto râh liata Rimaw nata a chheipâh si panyuna suzy, Tabaw nata a chheipâh si panyuna suzy;

⁷⁸ Zerikô dady Zawdâh haosâ, Zawdâh nochhi lâta Rubena chi ryuto râh râhchawhpa liata Beze nata a chheipâh si panyuna suzy, Zazâh nata a chheipâh si panyuna suzy,

⁷⁹ Kedemô nata a chheipâh si panyuna suzy, Mephâ nata a chheipâh si panyuna suzy;

⁸⁰ Kâdâ chi ryuto râh liata Kilia râh Ramô khihpi nata a chheipâh si panyuna suzy, Mâhanai nata a chheipâh si panyuna suzy,

⁸¹ Hesbaw nata a chheipâh si panyuna suzy nata Zaze nata a chheipâh si panyuna suzy ama pie.